|
تجريبتى مع انواع زيوت مختلفة مع ال 128
السلام عليكم ورحمة الله وبركاته النهارده هحكيلكم تجريبتى مع زيوت ال 128 اولا اول ما جبت العربيه اتغيرت بزيت معرفش نوعه ايه :thnkr::thnkr::thnkr: وكنت ساعتها غير خبير بالزيوت نهائيا وغير خبير بأصوات العربيات المهم قعد معايا 500 كيلوا بس ورميته وجبت زيت كالتكس ومن رأى الخاص كالتكس زيت كويس ولكن للعربيات اللى ماتورها سليم ولكن لو الماتور خفيف هينقص كل شوية وهتضر تزوده فده بيبقى عامل صداع ليك انك ماشى وغير مطمن المهم قعد معايا 1000 كيلو وغيرته النهارده طبعا اللون كان اسوووود لدرجه كبيرة جدا وفى خلال ال 1000 كليلو زودت عليه حوالى كيلوا زيت نص كيلوا زيت اسمه اسوو و التانيه زيت اسمه موبيل دلفاك المهم جيت النهارده طقت فى دماغى قولت لازم اغير الزيت رحت عند الراجل رحت جبت علبة زيت شمبر امريكى السعر 15 جنية وفيها حوالى نصف كيلوا وديه اول مره استخدم الزيت ده و لاقيت انواع زيوت مختلفة فقررت اجيب التعاون الاصفر وده زيت يصلح للديزل والبنزين واحادى الدرجه ودرجة لزوجه 50 يعنى مفيش اعلى من كده ههههههه والراجل قالى انه بيتغير على 2000 او 3000 مع العلم ان مكتوب على العلبه بتاعته 10000 مش عارف ليه المهم انا لاحظت ان العربيه بقى صوتها كويس عن الاول وبقت تشد حلو عن الاول ولسه هكمل باقى التجربه بس لما الزيت يقعد كام يوم كمان المهم من تجربتى القصيرة فى عالم الزيوت زيت كالتكس زيت اكثر من رائع وسعره مناسب للعربيات مثال اونو و كيا برايد وماروتى وكويس مع 128 ولكن لما يكون ماتورها مظبوط 100 فى 100 بس لو مفوت او خفيف بس ميكونش ضايع خالص لازم تستخدم زيوت ديزل وتكون تقيلة على شان تستحمل معاك وكمان يفضل زيت التعاون ابو علبه حمراء او ابو علبه صفراء ويفضل الصفراء لانه فعلا زيت للخدمه الشاقه جدا وده مش من تجربتى ده من تجارب كثير من الناس اللى استخدموه وشكرولى فيه وكمان الميكانيكى بتاعى وبتاع الزيت مع انه كان عنده انواع زيت كتيره بس شكرلى فيه جدااااا واسعار الزيت طبقا لليوم زيت كالتكس لمحركات البنزين 4 ليتر 65 جنية زيت التعاون الاحمر محركات ديزل ويمشى بنزين 4 ليتر 52 جنية زيت التعاون الاصفر محركات ديزل وبنزين 4 ليتر 60 جنيه زيت موبيل ديزل سايب 1 كليو 16 جنية زيت التعاون ديزل سايب 1 كيلو 14 جنية زيت شنبر امريكى 500 جرام للمواتير الخفيفة يمنع احتراق الزيت يقلل من طرطشة الزيت على البوجيهات يحافظ على لزوجة الزيت وده ترجمة من اجتهادى قد تحتمل الخطاء 15 جنية زيت فتيس 1 كيلو 16 جنية تغير الزيت 5 جنية و اى استفسار يرجى وضعه فى الموضوع وان شاء الله هرد عليه اخوكم فى الله سيد و السلام عليكم ورحمة الله وبركاته |
رد: تجريبتى مع انواع زيوت مختلفة مع ال 128
فعلا موضوع الزيوت دا حاجة تحير
|
رد: تجريبتى مع انواع زيوت مختلفة مع ال 128
السلام عليكم ورحمة الله وبركاته اليكم اخر الانباء 444546444546444546444546 بعد وضع زيت التعاون الاصفر فى سيارتى ال 128 اللى ماتورها خفيف شويه و وضع زيت الشنبر الامريكى على الزيت حدث الاتى :fun_36_1_26[1]::fun_36_1_26[1]::fun_36_1_26[1]::fun_36_1_26[1]: عاوز اقولكم الحمد لله الدخان اختفى خالص والفايظ مبقاش بيطلع دخان زى الاول خالص والعربيه بقت ناعمه اووووى بسم الله ماشاء الله الله كبر بجد و بقت بتجرى وتسحب ببنزين ال 80 غير الاول خالص وبصراحه حاسس ان العربيه مبسوطه :THUMBS~220::THUMBS~220:: THUMBS~220::THUMBS~220: بس :bb127bc6eab060e3e23:bb12 7bc6eab060e3e23:bb127bc6e ab060e3e23 طلع الاتى انك لازم مع كل تغيرة زيت تحط زيت الشنبر ده عليه علشان لو معملتش كده على كلام الميكانيكى هتزعل والعربيه هتزعل منك وهتطلع دخان اكتر من الاول فلازم على طول تحط الزيت ده لغاية ما ربنا يسهل وتعمل الشنبر ده :1281F1~121::1281F1~121: انتهى الموجز و الف شكر لك على ردك يا اخى و موضوع الزيوت مش محير ولا حاجه بس انت قولى حالة الماتور ونوع العربيه وان شاء الله اقولك على انسب زيت او اخوانى فى المنتدى يقولولك عليه ومتقلقش ان شاء الله و السلام عليكم ورحمة الله وبركاته |
رد: تجريبتى مع انواع زيوت مختلفة مع ال 128
العربية نصر 127 حالة الموتور الحمد لله ممتازة بأستخدم زيت مصر للبترول رصاصى 7500 و الزيت لحد دلوقتى ممتاز لكن لسه معملتش بيه 200 كيلو صاحب العربية كان ببيستعمل كالتكس و أنا حبيت أجرب الزيوت الوطنية |
رد: تجريبتى مع انواع زيوت مختلفة مع ال 128
طيب مارايك في زيت وطنية الازرق هو غالي شوية 115جنية
بيعمل في درجات حرارة 20w-50 api :sl\cf هل حد جربة ومن الاحسن موبل ولا وطنية خاصتآ ان السعر متقارب وهل اكمل بية لحد 5000 كيلومتر وانا مطمن ولا اغيرة قبلها بشوية اصل انا عارف الصناعة المصرية اي كلام و الفهلوة بتلعب دور كبير في المنتج النهائي |
| الساعة الآن 08:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017