قفلة فى العربية
 

بسم الله الرحمن الرحيم
عربيتى لانوس جوليت والنهارده الصبح كنت بمون فى البنزينة ولما دخلت البنزينة وجه
العامل عشان يملا التنك بطلت العربية ( اجراء امان يعنى ) ولكن الكاسيت كان شغال وهو بيشتغل مع الكونتاكت وبعد ما خلصت تفويل وجيت ادور سمعت صوت ( تك ) والكونتاكت ما اشتغلش والعربية قطعت كل حاجة ونور الطابلوه اللى هى اللمبات البنزين والباب والفرامل اليد وكده كل طفى ولمبة الصالون والكاسيت كله كله طفى فنزلت من العربية وفتحت الكبوت وبصيت على قواطيش البطاريه لقيت كل حاجة فى مكانها قفلت الكبوت وجيت عشان ازق العربية لقيت لمبات الطابلوه نورت وجيت ادور قامت دايرة عادى . الموضوع ده عباره عن ايه لانى ممكن اكون فى مشوار والوقت متاخر او على طريق سريع وتحصل نفس الحركة ( ربنا يستر طبعا ) .
وهو انا كل يوم الصبح لما بدور العربية مش بتدور على طول من اول مرة وبيكون فى تعتيل فى الدوارة وده بردوه يكون من ايه
ارجو الافادة وشكرا جزيلا ؟

رد: قفلة فى العربية
 

السلام عليكم
لازم تنضف القواطيش من الاملاح الي عليها وتتاكد ان الكابلات مربوطه باحكام شديد في القواطيش
والقاوطيش مربوطه باحكام في صوابع البطاريه
خلي بالك عشان تهريب الكهربا ده ممكن يسيح صباع البطاريه في لحظه..وممكن لا قدر الله يسبب تلف في الكونترول بتاع العربيه

رد: قفلة فى العربية
 

انا فعلا عملت كده امبارح وشكرا جزيلا لردك واهتمامك

رد: قفلة فى العربية
 

نظف القواطيش بمية سخنة واربطه كويس ولو تكررت يبقى استعد ببطارية جديدة:dzy:

رد: قفلة فى العربية
 

انا بنظف القواطيش ب اسبراى w40 ده فيه مشاكل ولا حاجة ؟