تجربتي مع مركز المصريين لتجديد السيارات
 

احب ان اتوجه بالشكر لموقع مصر موتورز بمساعدتى على معرفة مركز المصريين لتجديد السيارات وباختصار بعد ما حصلتلى حادثة لعربيتى الماروتي ( العربية كانت زي قطعة هوت دوج فى سندوتش ) روحت لتوكيل مودرن موتورز قالى عملية الاصلاح هتتكلف 15 الف جنية ( سعر العربية 37 الف ونصف ) وقالى مش هتستلم العربية الا بعد العيد والحادثة كانت قبل العيد بـ 10 ايام تقريبا عملت بحث فى مصر موتورز وجدت موضوع مركز المصريين لتجديد السيارات وقمت بالاتصال باسلام مسئول المركز بجد شخصية تستحق كل الأحترام اتفق معايا اننا نتقابل مع بعض عند شركة التأمين لعمل المقايسة وجية فى المكان المتفق علية وتم المعاينة وعمل المقايسة وتم استلام السيارة وقالى هسلمك العربية فى عشر ايام شكرا جزيلأ لاسلام ومركزه لان تم الاستلام فى المعاد المحدد والدقة فى استلام السيارة وشكرا له اكثر على الامانة لاني سيبت العربية عندو 10 ايام كاملة من غير ما اروح أشوفها واستلمتها احسن ما كانت عليها

ملاحظات الاسعار عندهم كويسة جد ومعاملة جيده جدا وديه احلى حاجه (خصوصا مع اسلام مسئول المركز)

المشاكل التي كانت بسيارة الشنطة كانت مدمرة مع اكصدامات وتم استعدلهم والابواب كانت مكبوسة لا بتفتح ولا بتقفل والصدر من الامام كان مكبوس

والشكمان كان مخبوط قولت لاسلام ساعة التسليم خدينى بسرعة ورحني على ورشة شكمنات وصلحها

وربنا يحمي عربياتكو جميعا من الحوادث

رد: تجربتي مع مركز المصريين لتجديد السيارات