مصر موتورز مجتمع السيارات - ضروري بخصوص رينو فلوانس

بص من الآخر العربية بقالها سنتين في الأسواق من غير مشاكل مؤثرة ظهرت لها

و عملت سمعة كويسة جدا لدرجة إنها رفعت شوية سعر الميجان القديمة

و المشاكل اللي ظهرت ليها كلها بسيطة جدا ،،

أقسمهالك نوعين

مشاكل تكتشفها بتجربة قيادة :_

1- سحبها ضعيف

2- نتشة في الفتيس الأوتو بين الأول و التاني

دي مشاكل بتختلف من واحد للتاني و لازم تجربها حتي لو لفة عشان تشوف ده مناسب ليك أو لأ

* مشاكل فنية ظهرت فيها :_

1- مشكلة عوامة البنزين ، بتعلق و تأثيرها مجرد قراءة خاطئة في عداد البنزين

( يقال إن التوكيل حلها و مظهرتشي في موديلات 2012 )

2- جلدة المساحات عمرها قصير

بخصوص التكييف لسه مجربتهوش عشان إحنا في الشتاء

و قطع الغيار لسه ماحتكتشي بيها بس أكيد غالية زي بقية الفرنساوي و اساسا كل العربيات الجديدة قطع غيارها غالية ، بس أنتا شاري عربية زيرو و معاك ضمان 100 ألف كم و حاول تأمن عليها عشان بعد الشر الحوادث

إعادة البيع لسه مظهرلهاش معالم بس أتوقع إنها هتمسك سعر مع إنتشارها و سمعتها الحلوة اللي بتكتسبها يوم بعد يوم

و لو قلقان أوي من الكارت و الحساسات ، خليك زيي في الفئة الأولي

و دي فيها أوبشنز بالهبل برده بالنسبة لسعرها ( مثبت سرعة ، محدد سرعة ، 2 إيرباجز ، إيه بي أس ، أيب بي دي ، مرايات كهربا ،،، آلخ ) يعني معظم اللي تحتاجه في عربية حديثة

هينقصك بس ثلاجة التابلوه ، الجنوط ، التكييف الخلفي ،، مرايات الضم ، البلوتوث دي الأوبشنز اللي شايفها عملية جدا في الفئة الثانية

بس أنا ضحيت بيها عشان أبعد عن الكارت و حساسات المطر و حساسات النور ،، آلخ ،،،، رغم إني مسمعتش مشاكل عنهم