لمبة الزيت والحرارة يتنور مع السخونية
 

السلام عليكم ورحمة الله وبركاتة
اخوانى الكرام عندى مشكلة فى العربية ظهرت مباشرة بعد ما نضفت الكربراتير وهى اول ما المروحة تشتغل والعربية تسخن لمبة الزيت ولمبة الحرارة يتنور مع ان الحرارة بتنزل بعد ما المروحة بتشتغل طول ما العربية سخنة بيفضلو ينورو ادوس بنزين يطفو ولكن بيرجعو ينورور تانى وهكذا غيرت الزيت والفلتر ونضفت ساعة الزيت وبرضة المشكلة موجودة فيا ترى المشكلة دى من اية واية علاقة تنضيف الكرابرتير بالمشكلة دى وللعلم الميكانيكى اختبر طلمبة الزيت قالى كويسة لان مع اول دوارة يتنور هى والحرارة وبتطفى عادى بس المشكلة لما العربية تسخن ارجو افادتى وشكرا ليكم

رد: لمبة الزيت والحرارة يتنور مع السخونية
 

هو فعلا تنضيف الكاربريتور ملهوش علاقة الا اذا من غير قصده نتش سلك ارضى فراجع على السلوك عامة فى منطقة الشغل اللى تم

قبل ما نقول ان انخفاض ضغط الزيت حقيقى لازم تجرب ساعة جديدة
لو فضل الوضع كما هو عليه حتبدى تشك ان الانخفاض حقيقى و ده خطر جدا
و بما ان الميكانيكى اتاكد من ضغط الزيت فالاحتمال التانى تكون حاجة سدة مجرى الزيت
هل مثلا هو كان فك غطاء التاكيهات ؟ و تكون حاجة وقعت جوه سدت فتحة النازل بتاع الزيت ؟
يا إما لا قدر الله خلوصات رولمان البلى بتاع الكرنك بقى بيفوت زيت

بالنسبة للمبة الحرارة هلى فيه عداد حرارة يأكد الكلام ده و لا لمبة فقط ؟

رد: لمبة الزيت والحرارة يتنور مع السخونية
 

اولا شكرا لرد حضرتك
هو فك الكربراتير فقط لا عندى الباب التانى كان بيعلق وزيتة التعليقة فكت بس انا لاحظت وهو بيركب الكربراتير انة بيركب سوكت كهربة كدة فى الكربراتير ممكن دة يكون بيك الكهربة وهو مفكش غطاء التاكيهات بالنسبة للحرارة فى عداد حراة وهى المروحة بتشتغل عندى عند 90 وبتنزل عادى تانى بس المشكلة ان اللمبة يتنور اول ما المروحة تشتغل يعنى العربية بتكون سخنت
ملحوظة فى بوجية واحد فقط حولبة فقاقيع زيت الميكانيكى قالى دة من برة متخفش هل دة لية علاقة بالموضوع وشكرا لك يا باشمهندس

رد: لمبة الزيت والحرارة يتنور مع السخونية
 

العفو يا باشا
يعنى اداء عداد الحرارة مفرقش قبل عن بعد موضوع اللمبة ؟
و فقاقيع زيت ازاى هل و الماتور داير بيقعد من حوالين البوجيه يطلع فقاقيع ؟ طيب هل جرب يفكه يشوف الزيت عليه من جوه ؟
و اكيد دى كانت من قبل كده صح ؟
متهيأليش انها سبب إضائة اللمبة يا الا كان ده معناه ان السيلندر ده بيفوت زيت جامد و كان البوجيه قطع اساسا
ما زال رأيى تجرب ساعة زيت الاول قبل الدخول فى حاجات اعمق و احتياطى متمشيش بالعربية الا عشان تروح للميكانيكى لغاية لما تتطمن انه كله تمام

رد: لمبة الزيت والحرارة يتنور مع السخونية
 

بسم الله الرحمن الرحيم
الموضوع بسيط هوه ان الميكانيكي وطي العربية سنه في السلانسية و خلي الار بي ام اقل لما فك الكربراتير هتعلي السلانسية شوية من المسمار بتاعه و هتلاقي كل حاجه تمام