|
بانوراما 2011
ايه الوصف المناسب لسنة 2011 ؟ هل هي سنه طويله مش عايزه تخلص ولا سنه مليانه بالاحداث والمفاجآت ؟ ولا ممكن نسميها سنة الثورات العربية ؟ المهم ... فاضل ايام قليله وتنتهي السنه العجيبه دي وياريت نفتكر مع بعض الاحداث اللي مرت بينا وتعليقاتكم عليها والموضوع مفتوح يعني مش للسياسه بس ... يعني لو حد فاكر حدث رياضي ماشي .. فني : شغال .. مواليد وفيات .. كله يمشي .. اصل انتوا عارفين التاريخ ده عباره عن ايه ؟ التاريخ هو الاحداث الي بنعيشها دلوقتي بتبقى تاريخ بعد كده وعموما فيه مقوله لذيذه اوي مش فاكر مين اللي قالها بس هيا مقوله مناسبه للموضوع ده ونبدأ بيها : كل لحظة بتمر في حياتنا ... لازم نسجلها لان عادة الانسان النسيان بس عشان خاطري ... ويا حبذا وحيثما وكل حاجه....... بلاش زميل فاضل يقوم جايب الاحداث كلها ويحطها في مشاركه واحده ...... طيب هنعمل ايه احنا بقى ؟ حلاوة الموضوع ده انه يتشارك فيه اكتر من واحد وكل خبر او حدث يضيف عليه لمسه من عنده |
رد: بانوراما 2011
13 يناير 2011 الخطاب الاخير ل زين العابدين بن علي http://www.onislam.net/arabic/oimedi...es/ben_aly.jpg الخطاب ده كان نقطه ومن اول السطر وانكتب بعده تاريخ جديد للمنطقه كلها شوف كام ثورة وكام اضراب هز المنطقة العربية من ساعتها ... الخطاب ده اتفرج عليه بتأني ... هتلاقي رئيس دوله كان قبل الخطاب ده بفتره قليله في منتهى الجبروت .. اتفرج عليه واقف بيترعش وبعدما اترعش هرب ولما هرب الناس في كل البلاد حست انه فيه امل لو عملوا حاجه ان الجبروت اللي لازق على قلوبهم هوا كمان ممكن يتخلع .... طيب لو ما كانش بن على هرب ؟ اكيد التاريخ كان هيتغير http://www.youtube.com/watch?feature...&v=2AQm45CGcHo |
رد: بانوراما 2011
موضوع جميل جدا احييك عليه
بس لية سؤالين قبل التعليق هل مقصود بمشاركة واحدة ان انا اتكلم بمشاركة واحدة بس وحدث واحد فقط وخلاص ؟ طب افرض افتكرت بعد كدة حدث تاني ؟ والسؤال التاني وكمان هل المقصود علي المستوي العالمي ولا الوطني ولا الشخصي ولا اية بالضبط؟ :waving: |
رد: بانوراما 2011
اقتباس:
وكان قصدي ان انا ممكن اجمع كل الاحداث والتواريخ اللي مرت بينا ف 2011 واحطها في مشاركه واحده كله على بعضه ثورات ووفيات ورياضه وناس بتتنحى وناس بتتخلع بس مكانش هيبقى موضوع ظريف الموضوع يبقى كويس لو كل واحد شارك بحدث او بشوية احداث وعلق عليهم في مشاركه واحده او اكتر ايه المشكله ؟ ما فيش مشكله وعالمي وطني قومي شخصي كله شغال .... وشكرا لحضرتك مرة تانيه |
رد: بانوراما 2011
أنا هقول حاجه غريبه شويه تذكرتها لما جت سيرة 2011 وأحداثها
أنا والحمد لله لا أؤمن بالتنجيم ولا بحب أتابعه أو أتكلم فيه وعلى يقين أنه كَذِب المنجمون ولو صدقوا لكني تذكرت أنه في مثل هذه الأيام في 2010 قرأت بنفسي بأن واحده من المنجمين يعني بتوع النجوم والفلك والطالع وخلافه تنبأت بأن عام 2011 سيهتز عرش زعماء عرب و هيُنزع منهم الحكم وذكرت منهم بن علي ومبارك وبالترتيب وطبعاً لم أهتم وقلت ربما تعلم أن الإنتخابات في مصر في 2011 ومبارك عنده نيه يتنازل لإبنه عن العرش ولا أدري عن تونس وهي تقريباً أو ربما تكون تونسيه فقلت ربما عندها علم أن بن علي عنده مثلاً عزر ومش هيكمل ولا حاجه المهم سبحان الله فعلاً كذب المنجمون ولو صدقوا |
| الساعة الآن 08:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017