مصر موتورز مجتمع السيارات - كيف تحمى سيارتك من السرقة

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - كيف تحمى سيارتك من السرقة (https://www.masrmotors.com/vb/showthread.php?t=73373)

كيف تحمى سيارتك من السرقة

السلام عليكم و رحمة الله و بركاته
طبعاً كلنا بنعانى فى ظل عدم الأمن الأيام دى من سرقة السيارات بشكل رهيب
و مهما حاولنا نأمن العربيه بشتى الطرق برضه بيتم سرقتها

أحد أقاربى سرقت سيارته من داخل جراج الشركه التى يعمل بها( جراج مفتوح )
و بها : إنذار - سنتر لوك - مسوجر أتوماتيك للدركسيون

و الحمد لله أولاد الحلال دلوه على أماكن العصابات و قدر يرجع ما تبقى منها ( بعد دفع مبلغ مالى لللصوص)

المهم: أتسرقت أزاى؟ و لية هيا بالذات من ضمن كل السيارات فى الجراج رغم أنه كان بيركنها لمده 5 سنين فى نفس المكان؟

الإجابة ببساطة : أصله كان لسة غاسلها فى محطة البنزين, فكانت أكتر سيارة ملفته للنظر وسط السيارات الأخرى اللى عليها تراب من 30 سنه

و بالفعل حاولت أمشى فى الشوارع و أبدأ أتقمص دور ( لص سيارات) و أشوف العربيات اللى هتلفت نظرى لسرقتها. لاقيتها العربيات اللى لسه مستحمية حتى لو كانت قديمة.
بس فى حاجه غريبة قابلتنى : لية مناطق الأثرياء زى الزمالك و المهندسين و المعادى السرايات ... مفيهاش سرقة سيارات ( بنفس القدر) زى باقى المناطق! ! ! رغم إن عربياتهم كلها ما شاء الله موديل سنتين تلاته فاتوا بس.

و عصابات السيارات الآن بقت بتجر العربية بونش أو بحبل قطر و سلملى عالسنتر لوك.

رد: كيف تحمى سيارتك من السرقة

يعنى الحل نسيب عربياتنا بدون غسيل او نضافة...؟؟؟؟؟ هههههههه
ولا قبل ما نركنها نرش عليها شوية تراب ؟؟؟؟
بجد والله بقت حاجه صعبة جدا واللصوص "عليهم من الله ما يستحقون" مابيغلبوش فى حاجة
ووصلت زى ما حضرتك قولت انهم يقطروا العربية او يرفعوها بونش؟؟؟
ايه ياترى:12F099~16:

رد: كيف تحمى سيارتك من السرقة

اقتباس:

المشاركة الأصلية كتبت بواسطة aymangalal (المشاركة 565341)

:ROFL_C~118::ROFL_C~118:: ROFL_C~118::ROFL_C~118:

رد: كيف تحمى سيارتك من السرقة

الحل الوحيد : محل (جراج) و تتحط فيه العربيه و تحط عليه 3 او 4 اقفال بحيث الحرامي يزهق من كتر
فسخه في الاقفال و دي فكره برضوا و انا مطبقها علي فكره عالسيراتو

و ربنا يحملنا عربيتنا و خلاص (ربنا يسترها معانا)

رد: كيف تحمى سيارتك من السرقة

اقتباس:

المشاركة الأصلية كتبت بواسطة zing0 (المشاركة 565314)

بس فى حاجه غريبة قابلتنى : لية مناطق الأثرياء زى الزمالك و المهندسين و المعادى السرايات ... مفيهاش سرقة سيارات ( بنفس القدر) زى باقى المناطق! ! ! رغم إن عربياتهم كلها ما شاء الله موديل سنتين تلاته فاتوا بس.

و عصابات السيارات الآن بقت بتجر العربية بونش أو بحبل قطر و سلملى عالسنتر لوك.

لان الحرامي عارف ان الناس دي مسنودة وهيجيبوة فى نفس اليوم :POINTI~2[2]:
اما الغلابة:010105~332: يروح يبلغ ويبقي يستنى ويشوف مين هيسأل فيه:36_2_16: