ماء+ زيت= طحينة
 

السلام عليكم ورحمة الله وبركاته اخوانى الكرام اعضاء المنتدى الكرام احكيلكم القصة واحدة واحدة ومن الاول اولا : كنت مسافر فى يوم وجوان وش السلندر ضرب لأن الوش كان مقفع المهم تم تصليح هذا العيب وبقى كله تمام ثانيا : بعد فترة لاحظت وجود نقص فى الماء وتنقيط اسفل السيارة والعيب كان من طرمبة الماء لأن الحشوة كانت انتهت وتم تغيير الطرمبة وبقى كله تمام ثالثا : بعد فترة قصيرة كنت فى مشوار شميت رائحة زيت ركنت وبصيت لا قيت زيت نازل على فرن الشكمان المهم اكتشفت انه من البوجيهات طبعا سألت صنايعية فى قال احتمال كاوتش صباب وفى قال شنبر لكن مفيش تغير فى لون الدخان والعربية كان سحبها ممتاز رابعا واخيرا عشان متزهقوش كل مااشوف مقاس الزيت الاقى فى زيادة وتغير فى اللون للطحينى ممكن تقولوا من الوش لانى مغيره قريب لكن مفيش تنشيع خارجى المهم بقى قولت لازم انزل الزيت وعلى فكرة كان جديد المهم قررت مفكش الطبة بس لا افك الكارتيرة عشان انضف الطحينة اللى موجودة اول ما بدأت افك المسامير لاقيت ايه اللى نازل؟؟؟؟ مية وكتييييرة وبعدين الزيت طحينة اصلى يعنى الميزان هههه وعلى فكرة الفترة مابين اولا ورابعا العربية لم تمشى اكتر من 200 ك بحثت كتيييير وسألت كتيييير طبعا فى ناس قالت افتكاسات وده مينى ميكانيكى انى اجيب بذرة الكتان واطحنها واحطها فى مية الريداتير!!!ليه يا عم قالى عشان تسد اى تأكل فى الشمايز وده حل موٌقت ده لو العيب من الشميز طبعا يا اخوانى الموضوع ده يخلى الواحد مهموم والحمدلله على كل حال ونعوذ بالله من حال اهل النار ارجو منكم جميعا ان تفيدونى فى هذه المشكلة وانا عرف انى بتجه ناحية فك موتور ولو فكيته حعمرها لكنى بحب اتعلم وحاجات كتير بعملها بايدى ويوم مابروح لصنايعى بكون مخنووووووق أسأل الله العظيم رب العرش العظيم ان يفرج عنى وعنكم وعن سائر المسلمين والسلام عليكم ورحمة الله وبركاته

رد: ماء+ زيت= طحينة
 

رد: ماء+ زيت= طحينة
 

رد: ماء+ زيت= طحينة
 

الافضل هو تغيير وش السلندر بدل ما تصرف عليه كتير
هات وش سلندر استيراد و جوان وش سلندر
و ان شاء الله المشكله تتحل
مش هرشح تودي الوش بتاعك للمخرطه لانه كان مقفع قبل كده
و بالتالي اللعب فيه كتير مش هيبقي كويس

رد: ماء+ زيت= طحينة
 

+11111111111