مصر موتورز مجتمع السيارات - تعليقات الشباب علي تولي الجنزوري رئاسة الوزراء

مع اعتراضي الكامل علي فكرة التريقة لكن انا لقيت الموضوع لذيذ وبيبين خفة دم المصريين بس انا من مؤيدي الدكتور كمال الجنزوري لانه راجل محترم وكفايا انه خرج من الوزاره محلتوش غير شقة ايجار قديم وباع عفش بيته علشان يجوز بنته وكان تحت الاقامة الجبرية في عهد الموكوس مبارك

بيقولك بقا ياسيدي

عودة السجايرالبافرا في الاسواق المصرية بعد تشكيل حكومة الجنزوري
الجنزوري يرشح اثنين وزراء للصحة في التشكيل الجديد- واحد خاص بمجلس الوزراء والتاني للشعب.
المشكلة نقول ايه للشباب تحت 17 سنة الي شارك في الثورة ولم يروا الجنزوري ؟
كان فيه جدو رئيس وزراء ورجع تاني؟!
بلاش اعتراض على الجنزوري عشان علي لطفي لسه عايش.
الجنزوري هو أنسب رجل وطني، عاصر ملكين و 4 رؤساء جمهورية..وشارك في ثورة عرابي وحفر قناة السويس ، وحارب مع أحمس
مرتضى منصور ماسك على الناس كلها سي دى الا الجنزورى ماسك عليه فلوبى ديسك
الجنزوري يأمر بلجنة تقصي حقائق للوقوف علي أسباب تأخر تسليم ...
السيارات الدوجان و الشاهين و التلاجات الأيديال ال 10 قدم
الجنزوري رئيس وزراء مصر الثورة...ايوة بقة! هو الغاز المسمم فين أخذ نفسين؟
حكومة انقاذ وطني: الجنزوري رئيس وزراء، فؤاد باشا سراج للداخلية،
إسماعيل فهمي للخارجية، الخازندار للحقانية، وعبد الحكيم عامر للدفاع
أيام الجنزوري كانت ماري منيب وجه جديد
الجنزوري يعني محلك سر... المجلس بيدعم مليونية بكرة
كمال الجنزوري - الله يرحمه - هيشكل الوزارة
بيقولك اللورد كرومر هو اللي اقترح الجنزوري
نهار اسود ع ثورة 19 اللي ماسكين فيها دي !!
يا جماعة يعني ايه الجنزوري واحنا عندنا ناس وطنيين زي النحاس باشا، لحد امتى السفير الإنجليزي..
هيفضل ممشّي جلالة الملك على كيفه؟
قام المشير طنطاوي ( 78 سنة ) باستقبال كمال الجنزوري ( 78 سنة ) لعمل حكومة إنقاذ لثوره الشباب
هل تعلم : في العصر الجنزوري الاول كان المصري الاصيل يعتبر ان مجمع التحرير..
هو اهم انجاز في تاريخ البشرية
الجنزوري يستدعي صلاح الدين الايوبي لقيادة مليونية الاخوان غدا
طب كده خلاص نعمل (unfollow) لعصام شرف ونفولو الجنزوري على اذاعة صوت العرب
مشهد اختيار الجنزوري بيفكرني بحسن فايق في نهاية اسماعيل يس في مستشفي المجانين:
اعمل إيه، السلم، اهرب ما يهمكش، خلاص هاتولنا الاستاذ فريد شرقي
وزارة الجنزوري الثانية لمن فاتته الوزارة الأولى ولهواة التسجيلات
الجنزوري لو دخل على الهاش تاج ده ممكن يجيلوا ازمة قلبية
عبد الوارث عسري نظارة المشخصاتية
اعتقد ان نفى سعد باشا وتوليه الجنزورى ف مصلحه كبيره جدا للانجليز
بس يا ترى الملك عمل كده ليه ؟
لما جراهام بيل اخترع التليفون لقى 3 ميسد كول من الجنزوري
يتقريبا 90٪ من شباب الثورة كان ايام الجنزوري بيلعب بنك الحظ
الناس كانت بتعمل جمعيات ويستلفوا عشان يجيبوا دِش