ازاى افصل جرس تنبيه حزام الامان ؟؟
 

السلام عليكم

انا عندى فى العربيه صوت تنبيه حزام الامان بيشتغل من بعد ما ادور العربيه ومبيسكتش ابداً مهما طالت المده بدون لبس الحزام لازم يتلبس اول ما العربيه تدور علشان يسكت ياترى مفيش طريقه لفصله ؟؟؟

تحياتى

رد: ازاى افصل جرس تنبيه حزام الامان ؟؟
 

البس الحزام احسن و هتتضرب تلات عصافير

1)امان لحضرتك
2)الصوت مش هيزعجك
3)مش هتاخد مخالفات

:01FDAB~189:

رد: ازاى افصل جرس تنبيه حزام الامان ؟؟
 

السلام عليكم
اخي الكريم ممكن حضرتك تشيل الفيوز بتاع الجرس ده او تفك الفيشه الي في سككاكه الحزام وتعمل عليها كوبري وفي الحاله ده الجرس هيببطل يرن لكن لو حصل حادث لا قدر الله ممكن حقيبه الحياه تسبلك اصابات خصيره وكسور في القفص الصدري والرقبه
احسنلك اربط الحزام وعود نفسك عليه واعتبر انه سبب للنجاه ربنا خلقه لينا ولازم ناخد بيه..انا اتقلبت مرتين بالعربيه:
*اول مره كنت بقطع مصطفى النحاس وجه واحد خبطني والعربيه التقلبت ومكنتش رابط الحزام لكن اصاباتي كانت لا تذكر لان سرعتي كانت 20 كلم تقريبا
*المره التانيه في طريق العلمين وكان السواق ماشي 160 تقريبا واتقلبنا 6 قلبات ولولا اني كنت رابطه كان زماني حالي مختلف وصور العربيه في الامضاء بتاعي.

رد: ازاى افصل جرس تنبيه حزام الامان ؟؟
 

ممكن تعدى الحزام من خلف الكرسى وتحطه فى جرابه

رد: ازاى افصل جرس تنبيه حزام الامان ؟؟