استفسار
 

كنت فى العيد كتبت موضوع ان وانا ماشى سمعت صوت طقطقة جامدة من تحت والعربية مابتمشيش واتضح ان الكوبلن الشمال اتكسر. المهم رحت للعفشجى جابلى كوبلن استيراد ب90 جنية وقالى انه احسن من الجديد المهم ركبة والعربية كويسة بس بعدها ب 5ايام كنت بسمع صوت طقة بيجى من تحت وانا بلف الدركسيون فى بداية الدوارة والصوت يختفى عند المشى . رحتلة جرب العربية تانى وطحنها ملفات جامدة ومطبات قالى الكوبلن سليم بس فى صوت تانى انا سامعة المهم فى الورشة بص على العربية قالى ان فى بطاحة عايزة تتغير وهى فعلا شكلها متاكل شوية وكمان قالى هيريح اللى شوية . الراجل دة كلامة صح ولا بيشتغلنى لانى جديد فى الكار. وبعدين يعنى اية بطاحة وبتعمل اية وكمان اية الييى دة
اسفين على الازعاج

رد: استفسار
 

سؤال بالمرة العربية لانوس 2005 كاملة يعنى فيها سنتر داخلى ممكن اركب انذار بس وهيبقى بكام ولو هعملها ريموت بردة بكام

رد: استفسار
 

بإمانة انا مليش في العفشة قوي بس البطاحة هي اللي بين المساعد من فوق و الفخده و باين فيها رولمان بيلي دفعي او يمكن جلب لضمان سهولة الحركة الدائرية بين اثناء الحود
و احتمال يقصد باللي السوست
علي العموم كلامه وارد يكون صح
ممكن تاخد رأي عفشجي شاطر

رد: استفسار
 

شكرا على الاهتمام وارجو اراء اخرى

رد: استفسار
 

البطاحة دى طبعا مهمة جدا لان عندما تاخذ مثلا مطب جامد جدا والمساعد جاب اخر الضغط بتاعة يبقى بيطلع العزم الباقى على البطاحة فبتقوم البطاحة بصد المطب الجامد مع المساعد مع السوستة يعنى هما مكملين لبعض لو جينا نحسبها صح فى البداية المطب مثلا تقوم السوستة بدورها وحين ينتهى دورها يأتى الدور الاكبر وهو المساعد وبعد عمل المساعد ويجيب اخر الضغط تأتى عمل البطاحة وهى هامة جدا وعلى فكرة مش غالية الاصلى باين 60 بس مش فاكر قوى ويارب اكون افدتك