ايه رأيكم فى الداستر؟
 

السلام عليكم
انا يا شباب بقالى فترة كبيرة محتار اشترى ايه لدرجة انى حاسس انى مش هشترى:thinkW19: فى الفترة الاخيرة انا محتار بين 3 عربيات الالنترا 2012 او اللانسر 2011 او داستر2012
بصراحة انا معجب جدا بالداستر من اول ما نزلت لانها عربية متينة وعالية واحنا الطرق عندنا زبالة وخصوصا انى من ارياف المنصورة فطبعا الطرق وحشة جدا بس المشكلة فى الثلاث عربيات دول الاتى:-
الالنترا حاسس انها واطية وقريت هنا فى المنتدى لاحد ملاكها انه بيشتكى من المساعدين اللى ورا عشان العربية بتنزل قوى لما بتكون محملة ورا.
اللانسر البومة شكل قديم انا حاسس انها اعلى من الالنترا بس فى نفس الوقت حاسس انى لو اشتريتها هينزل فيها شكل جديد فتحس ان راكب حاجة قديمة.
الداستر عجبانى من كله بس عيبها الوحيد هوه سعر اعادة البيع بتاعها بس فيه حاجة انا لو جبت اى عربية مش هافكر ابيعها ان شاء الله قبل 5 سنين اذا ربنا احيانا فهل سعر اعادة البيع مؤثر فى الحالة دى؟
شكرا وجزاكم الله خيرا

رد: ايه رأيكم فى الداستر؟
 

من خبرتي القليله
اقولك لانسر بومه كويسه اوي
وبما انك في ارياف المنصوره بلاش الالنتر علشان فعلا واطيه اوي مش عارفه ليه حسه انها مش هتكون عمليه في المناطق دي لانك هتبقي خايف عليها

رد: ايه رأيكم فى الداستر؟
 

كنت متحير اوى زيك لغايه ماشفت فيديوهات العربيه الداستر ودرست كل حته فيها وقررت اخيرا اجيبها
http://www.masrmotors.com/vb/forumdisplay.php?f=162
شوف كمان اختبار القياده
http://www.youtube.com/watch?v=wuxAlH0MIBQ&featu re=related

وبالتوفيق:Bravo:

رد: ايه رأيكم فى الداستر؟
 

انت نفسك قولت هتبيعها بعد 5 سنين على الاقل

يبقى الداستر وش يا جميل
والف مبروك مقدما