|
مطب علي الطريق الصحراوي الغربي
امبارح كنت راجع م البلد بعد اجازة العيد
كان معايا 3 من اصحابي في العربيه وكان واحد من اصحابي هو اللي سايق وبعد مركز سمالوط تقريبا واحنا ماشيين علي سرعه 120 كم تقريبا وماشيين علي شمال الطريق فوجئنا بمطب واخد نص الطريق بالظبط يعني من نص الطريق لاخرة علي الشمال حد من اصحابي زعق وقال حاسب المطب فصاحبي اللي سايق خد باله وبينه وبين المطب مسافه قليله جدا قام لف الدركسيون ناحيه اليمين علشان يفادي المطب لكن مع السرعه العاليه العربيه عومت منه جامد لدرجه اني حسيت انها مشيت علي العجلتين اليمين الحقيقه ان صاحبي مسك الدركسيون وكلبش فيه وواحده شمال وواحده يمين لحد ما العربيه استقرت علي الارض لكن يا جماعه كان موقف عصيب جدا وخصوصا اني حسيت اننا هنتقلب بالعربيه بجد الحمد لله كمان اننا كنا اربع في العربيه وكانت شنطه العربيه مليانه ع الاخر انا متهيألي ان دا ادي ثقل للعربيه شويه ومش عارف هل المفروض في الحاله دي اننا ناخد المطب مع انه مطب غبي ولو حد خد المطب دا ايه اللي هيحصل في العربيه وهل ممكن العربيه تتقلب خصوصا ان جنب المطب في الجزيره الوسطي فيه عربيه عامله حادثه؟ |
رد: مطب علي الطريق الصحراوي الغربي
الاول الحمد لله على سلامتك انت والعربية لو اخدت المطب غلط على العربية لو فديتة بالطريقة دى غلط على روحك
يعنى الاتنين غلط يا استاذى الصح انى مينفعش نعمل مطب على طريق سريع طيب الشهامة وخدا حقها اوى كمصريين يبقى فى اليوم اللى نعمل المطب معلش نكلف نفسنا ونجيب يافطة منورة تقول انى فى مطب على بعد كذا كل البلاد فى تقدم حتى السودان واحنا لسة بنعمل المطبات الصناعية مواد سابقة للقانون الدولى العام فى المواد الدولية لسنة 1994 بيقول اية القانون دا فيما معناة عشان مطولش عليكم تحرم كل من المطبات الصناعية دوليا حتى لو كانت تمثل القياسات الصحيحة لابعادة وذلك يقرر باثر رجعى عما سلف ذكرة يعنى يا جماعة المطبات دى محرمة دوليا واحنا لسة بنعملها هنا فى الحوارى والطرق السريعة عشان العربية تاخد خبطة وتنام جمبها تتلخص مشاركتى فى 5 كلمات يبقى انت اكيد فى مصر حسبى الله ونعم الوكيل ولعلمك لسة واخد واحد على طريق السخنة اعفن طريق ممكن تسوق علية على سرعة عالية وانت سايق على 120 تلاقى مطب قدامك تحفظ مكانة تصحى تانى يوم تلاقى واحد جديد :shwt::shwt::shwt:حرااااا اااااااام |
رد: مطب علي الطريق الصحراوي الغربي
- ياعم احمد الطريق الصحراوى الغربى من القاهرة لاسيوط فية العجب
|
رد: مطب علي الطريق الصحراوي الغربي
يا عم كنتم خدتوه وخلاص مكنش هيقلب العربية ولا حاجة
|
رد: مطب علي الطريق الصحراوي الغربي
الحمد لله على سلامتك
وكم ذا بمصرٍ من َ المضحكاتِ ولكنهُ ضحكٌ كالبُكا :fun_36_1_44[1]: |
| الساعة الآن 06:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017