مصر موتورز مجتمع السيارات - بعض المشاكل والأستفسارات

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - بعض المشاكل والأستفسارات (https://www.masrmotors.com/vb/showthread.php?t=71902)

بعض المشاكل والأستفسارات

السلام عليكم

أنا أشتريت A113 موديل 2007 من أسبوعين وبصراحة شايف انها عربية كويسة جداا وفيها اوبشن حلو وسعرها رخيص ومن قرايتى للمواضيع هتا لاحظت أن أغلب الأراء عنها جيدة

لكن أتصدمت فى الواقع ببعض المشاكل اللى قابلتنى اللى محتاج رأيكم فيها

1- العربية سخنت معايا مرة واحدة ولقيت أمبير الحرارة قبل الأخر بشوية بسيطة فركنت على طول وبعدت ما هديت مالقيتش مية فى القربة فزودت المية ودورت والحمد لله تمام

فابتديت أتابع الميا فى الأيام اللى بعدها ولاحظت انى لازم املا قربة الميا كل يوم واحيانا مرتين فى اليوم مع أنى مش ملاحظ أن فى تنقيط فى العربية

عموما رحت لمركز رياديترات جنب البيت وفتحتلة كبوت العربية وشال غطا الرياديتير وقالى دور الموتور ولما دورت لقيت الميا طلعت زى النافورة من الريادتير

والصنايعى قالى ان العيب دة بسبب ان العربية عاوزة جوان وش سلندر ودة سبب ان العربية بتسخن ولازم تروح لميكانيكى

دى اهم مشكلة حاليا مع العلم بأن العربية ماشية ممتازة لو تابعت الميا وزودتها على طول بس طبعا عاوز أشوف حل

2- الباب اللى ورا الشمال مش يفتح من جوة ولازم يتفتح من برا

3- لمبة الصيانة منورة حاليا

فياريت تفيدونى لأنى ابتديت أتشائم :pty:

هل أروح لميكانيكى أم مركز صيانة أفضل ؟؟؟

ولو روحت لمركز صيانة فهل التكلفة هتكون عالية ؟؟؟؟ وفين أقرب مركز صيانة من جسر السويس ؟؟؟؟

وشكرا مقدما ومنتظر ردودكم

رد: بعض المشاكل والأستفسارات

الميا بتنقص ممكن يكون الجوان زي ما بتقول

الباب مبيفتحش من جوه ده حتلاقي في زرار في الباب بيخليه يفتح من بره بس علشان لو عندك اطفال ميفتحوش الباب من جوه

رد: بعض المشاكل والأستفسارات

اقتباس:

المشاركة الأصلية كتبت بواسطة desperado_teto (المشاركة 551533)

شكرا ياباشا على ردك

بالنسبة لموضوع الباب فمشكلتة مش فى الزرار لأنى أتأكدت من كدة

وبالنسبة لموضوع الجوان مش عارف أروح لميكانيكى ولا مركز صيانة أحسن وكمان التكلفة هتكون فى حدود كام

منتظر ردك وباقى الردود من باقى الأعضاء

رد: بعض المشاكل والأستفسارات

اسلام عليكم
موضوع لمبة الصيانة دي كل 5000ك بتنور وقولك ازاي تطفيها بس صلي على النبي

حدوس على زرار ضبط الساعة في العددات وتونور الكونتكت بدون ماتدور العربية لحد ماتطفي اللمبة ودور العربية وقول الحمد لله

وبلنسبة للمية اعمل محاولة وعمل غسيل لدورة الميه بتاعة الموتور وكشف على الاربة تكون مابتقلبش المية وده مجرد اقتراح وان شاء الله خير