مصر موتورز مجتمع السيارات - رخصتى هتنتهى فى شهر 11 سنه 2012 ولكن انا تبع مرور حلوان ياريت الكل يدخل

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رخصتى هتنتهى فى شهر 11 سنه 2012 ولكن انا تبع مرور حلوان ياريت الكل يدخل

كل سنه وانتم طيبين
والله مش عارف اعمل ايه
انا سمعت ان كل ملفات مرور حلوان اتحرقت
والى حتى مرخص 3 سنين بردو هيفحص حتى لو فاضل سنتين على الرخصه
من جديد وهيدفع من جديد!!!!!!!!!!!!!!!!!!

طيب انا دلوقتى واخد تصريح مؤقت
لان ملف العربيه كان تبع مرور القوات المسلحه
قعدو يدونى تصريح بسنه ثم تصريح بسنه
وباقى سنه اخيره الى المفروض اجدد بس التصريح المؤقت عشان انا دافع ل 3 سنين

ومش عارف هل الملف مارحش من القوات المسلحه ولا لآ اعمل ايه دلونى

رد: رخصتى هتنتهى فى شهر 11 سنه 2012 ولكن انا تبع مرور حلوان ياريت الكل يدخل

بالرغم من انى ما فهمتش سؤال حضرتك بس هانتكلم فى صلب الموضوع بغض النظر عن ان الملفات اتحرقت او لا
حضرتك بتروح مرور القوات المسلحة اللى تابع لية العربية وبتجيب من هناك حجتين اتنين
1- شهادة مخالفات او برائة زمة
2- عدد 1 شهادة بيانات موجهه للمرور بتاع حضرتك اى كان بقى حلوان او خلافة المهم المرور اللى انت تابع لية حضرتك من واقع البطاقة الشخصية .........ولو حضرتك معاك توكيل بلببيع فقط يعنى مش معاك عقد بيع مسجل لازم تجيب نفس شهادة البيانات موجهه للشهر العقارى عشان تقدر تعمل لنفسك عقد بيع مسجل
بتروح حضرتك المرور اللى انت تابع لية المذكور اعلاة وبتشترى نموذج فحص ونقل ملكية وتملة بياناته
وبترفع بصمة الموتور والشاسية ..... وبتختم ورقة شهادة صلاحية الطفاية وفى النهاية بتمضى كل الورق دة من مهندس الفحص ....وبعدين تتجه الى الشباك وتديلة نموذج الفحص مع شهادة المخالفات مع شهادة البيانات والتامين الاجبارى وبيدفع الضريبة وبامر الله تاخد رخصتك ودى كل الحكاية

رد: رخصتى هتنتهى فى شهر 11 سنه 2012 ولكن انا تبع مرور حلوان ياريت الكل يدخل

- انا برضوا الملفات فغالمرور عندنا كلها اتحرقت
- واتقلى فالمرور حافظ على الرخصة وصورها واحتفظ بالصور
- لان اى تجديد هيكون بفحص جديد لعمل ملف كامل من واقع الرخصة القديمة
- وان كنت انا لما اشتريت العربية سحبت كل الورق ( فاتورة شراء - افراج جمركى - ...... حتى الفحص الفنى سحبتة قبل ما اسلمة ) على الاسكانر وممكن اطبعة ويبان كأنة اصل
- ولكن انا هأحتفظ بالورق دة واديلهم الرخصة