عاوز اعرف خطوات تجديد رخصة العربية و فحصها بالتفصيل
 

العربية رخصتها باسمى
فطبعا عارفين تقل دم مشوار المرور
فياريت تفاصيل و ايضاح تجديد الرخصة و فحص العربية عشان ما اتصدمش و اكون مستعد

رد: عاوز اعرف خطوات تجديد رخصة العربية و فحصها بالتفصيل
 

طالما رخصه العربيه بأسمك يبقي اكيد انت فحصت العربيه و رخصتها قبل كده
و عموما الخطواط كالآتي
بتروح المرور من بدري و تشتري اورنيك الفحص و يكون معاك الطفايه طبعا(الحريق مش السجاير)
و بعدين تدخل علي الشباك و معاك رخصه السياره و شهاده المخالفات او برائه الذمه الماليه
و صورتين للرخصه و صورتين للبطاقه الشخصيه و اصل البطاقه الشخصيه
و تقدم الورق للموظف و ينزل الملف بتاع العربيه
و بعدين بيديلك ايصال الضريبه تروح تدفعه و تجيب نموذج 52 مرور و ترجع للشباتك
ياخد منك ايصال الدفع و النموذج و تقعد تستني رخصتك

رد: عاوز اعرف خطوات تجديد رخصة العربية و فحصها بالتفصيل
 

شكرا لحضرتك يا ا حازم
انا فعلا فحصت قبل كده بس ايام الواسطة و العملية كانت سهلة و الكلام ده من 3 سنين
فمش عاوز احرج نفسى و انا اللى اخلص حاجتى

و الطفاية هل بيكون ليها تاريخ صلاحية ولا لازم اشترى جديد ؟؟؟
و هل بتتاخد البصمة زى ما كنت محول من مرور لمرور ؟
و ايه اخبار ان لو العربية فيها شوية خرابيش هل لازم اعملها و لا بتعدى ؟؟؟؟

رد: عاوز اعرف خطوات تجديد رخصة العربية و فحصها بالتفصيل
 

الطفايه لو شكلها جديد تعدي
انا عندي طفايه واحده و العيله كلها و اصحابي بيفحصوا عليها هههههههههههههه
بالنسبه للخرابيش لو بسيطه مافيش منها مشكله
المهم اغسل العربيه كويس

رد: عاوز اعرف خطوات تجديد رخصة العربية و فحصها بالتفصيل
 

نزلت النهاردة و قلبت فى الطفاية لقيت ان تاريخ الانتاج مكتوب على الجسم كانه محفور
و مكتوب عليها ان الصلاحية 10 سنوات
شكرا لمشاركة حضرتك