بروتون بيرسونا2009 بلس ميجان 2009
 

السلام عليكم ورحمه الله برجاء المساعدة من الاخوة الكرام فى الاختيار لأننى فى حيرة شديدة بين العربيتن منذ فترة كبيرة ودلوقتى لازم اخلص لأن الموضوع طول قوى سيارتى الحالية رينو كليو وعلى دارية تامة بالرينو يعنى الموضوع بالنسبة للميجان مش جديد على وعرفت معلومات كتير عن البيرسونا فبدات أفكر فيها فبرجاء المقارنة تكون من حيث الثبات على السرعات العالية وده اهم حاجة بالنسبة لى وعوامل الامان والعفشة من حيث النعومة والتحمل فى شوارعنا الجميلة موضوع قطع الغيار مش فارق معايا والحمد لله وكذلك الصيانة والمزيد من المعلومات تكون مفيدة فى المقارنة وجزاكم الله كل خير العربية طبعا هتكون مستعملة استعمال خفيف لأن المبلغ اللى معايا فى حدود 85 الف جنيه وبرجاء عدم إدخال سيارات أخرى فى المقارنة لأنى نوى على وحدة من الاثنين فقط لا غير

رد: بروتون بيرسونا2009 بلس ميجان 2009
 

ميجان طبعا
الفرق بينها وبين البيرسونا انها انعم منها
ثبات : زي بعض
تسارع : البيرسونا خصوصا لو مانوال
قطع غيار: زي بعض
تقفيل وخامات : الميجان احسن
الامان : زي بعض بس زيادة 4 ايرباج في الميجان
الصيانة : البيرسونا اسهل

طبعا اللي هيحكم هو الحالة

رد: بروتون بيرسونا2009 بلس ميجان 2009
 

الميجان احسن طبعا لان المقارنة ظالمة جدا .. الميجان سعرها 140 الف .. بينما البرسونا ب 90 الف
ممكن نقارن بيرسونا زيرو بميجان مستعمل
ساعتها اقولك البيرسونا احسن لانها زيرو وعربية جميلة بصراحة

رد: بروتون بيرسونا2009 بلس ميجان 2009
 

الف شكر لكل الاخوة الذين ساهموا بالرد يعنى كده الميجان تكسب فى انتظار مشاركات باقى الاعضاء

رد: بروتون بيرسونا2009 بلس ميجان 2009
 

بس على فكرة اللي معاك يجيبلك بيرسونا زيرو وممكن تقسط 9-10 الاف جنيه وخلاص
والزيرو زيرو برضه واحسن من المستعمل
لو تعرف تجيب البيرسونا زيرو هاتها احسن من ميجان مستعمل