هل ممكن اركب سماعات للعربيه بنفسى ؟؟
 

كنت عايز اعرف يا جماعه ياترى ممكن اروح اشترى سماعتين و اركبهم بنفسى ولا لازم كهربائى ؟
يعنى ممكن اجيب السماعتين واربطهم السلك بتاعهم فى السلك اللى فى العربيه وخلاص ولا العمليه معقده ؟؟
سؤال تانى هوا ممكن اى سماعه تركب على اى عربيه عادى ولا لازم نوع معين لعربيتى الجيب شيروكى ؟؟؟ لان سمعاتها داخليه جوه فرش الباب !

رد: هل ممكن اركب سماعات للعربيه بنفسى ؟؟
 

انا متابع الموضوع

رد: هل ممكن اركب سماعات للعربيه بنفسى ؟؟
 

وانت طيب يا باشا

شوف يا سيدى بالنسبة لموضوع السماعات دة فدة ممكن تعملة انت بكل سهولة بس لو انت عندك وقت وصبر

وهقولك ع الخطوات ..

1. هتاخد السماعة الاصلية وتروح تجيب زيها نفس المقاس ولو عاوز تجيب حاجة اعلى يبقى تحاول تشوف سماعات سونى نفس المقاس وهتكون كفأتها اعلى
2. هتفك السماعات القديمة عادى جدا .. وهتفك الفيش بتاعتهم الى متوصلة بيهم وهنا هيقابلك مشكلة ... ان الفيشة مش هينفع تركب ع السماعات الجديدة وطبعا مش هنقطع فى الفيشة بتاعة العربية الاصلية ... هقولك تعمل اية ؟
3. الفيشة دى جواها كلبسات عادية جدا هتخرجهم منها باى حاجة رفيعة وبعدين توصل الكلبسات دى بالسماعات الجديدة
4. غير اتجاة السلوك واسمع الصوت لانة بيفرق فى النقاوة والبيز وشوف اي الاحسن ووصل علية
5. قفل سماعات ومبروك عليك يا باشا واى خدمة

رد: هل ممكن اركب سماعات للعربيه بنفسى ؟؟
 

شكرا يا حماده على الرد والافاده
بس انا كده الصراحه ابتديت اقلق فيشه وبتاع ده انا كنت فاكر هجيب مقص و اقص السلك اللى متوصله بيه السماعه القديمه واربط مكانه السماعه الجديده وبس

رد: هل ممكن اركب سماعات للعربيه بنفسى ؟؟
 

ياباشا متقلقش ولا حاجة الموضوع سهل وبسيط ومش مستاهل انك تقطع وصدقنى ابتدى انتى بس الشغل وهتلاقى العملية ماشية معاك تمام وموضوع الفيشة دى من ابسط ما يمكن متقلقش منها ابدا

وفى عضو فاضل هنا مغير سماعات عربيتة بنفسة وقابلتة نفس المشكلة وحلها بالطريقة دى . ودة اللينك

http://masrmotors.com/vb/showthread.php?t=70744