ارتفاع درجة الحرارة
 

كنت من فترة الرادياتير اتخرم وصفى المية اللى فية نتيجة انه اتخبط من الأسف ومشيت بيها شوية مش كتير بس العربية ماسخنتش خالص ولا اللمبة الحمرا نورت .. ولحمته وغيرت المياة بتاعتة

بس لقيت درجة الحرارة مرتفعة عن الأول لأن العربية كنت مهما امشى بيها كنت بلاقى الكبوت بارد بالكتير بيبقى دافئ بس مش سخن

بس دلوقتى السخونية زادت بدرجة ملحوظة

وحاجة تانية لاحظتها ان العربية او مابتسخن بلاقى المروحتين ( الرادياتير والتكييف ) شغالين مع بعض هل دة طبيعى ؟؟؟؟؟

فمش عارف السبب اد ايه قلت يمكن المية مثلا ( الراجل غير المية بميه اسمها ماستر )

العربية نيو اكسنت 2007 وعمرها مكان فية مشكلة فى درجة الحرارة والحمد لله<!-- google_ad_section_end -->

رد: ارتفاع درجة الحرارة
 

- الفيرنا من مميزاتها انها مش بتسخن عن المعدل الطبيعى
- ولازم حضرتك تتأكد ان المية مش ناقصة او بتنقص
- اما سخونة الكبوت فهى طبيعية لانها مش معزولة وفعلا ً الفيرنا ترفع حراتها ( واقصد الطبيعى ) بسرعة و تنخفض بعد غلق الموتور فى فترة كبيرة
- اما المروحتين مع التكييف فهو طبيعى
- سخونة العربية سىء جداً وخطر شديد عليها فتابعا جيدا ً

رد: ارتفاع درجة الحرارة
 

حكمت إزاي علي درجة الحرارة ؟
مينفعش بحطت ايدك علي الكابوت
يا من العداد او لو مفيهاش عداد يبقي الضوء التحذيري
طبيعي في معظم العربيات الحديثة المروحتين يشتغلوا مع بعض
و عشان تطمن راقب المراوح طالما بيشتغلوا و يفصلوا بشكل متكرار يبقي الحرارة طبيعية

رد: ارتفاع درجة الحرارة
 

اتاكد من خرطوم المياه الكبيراللي داخل على بلوك المحرك من فوق انو بعد اي مشوار تلاقيه سخن ومليان مياه لو ملقيتوش كدا افحص ثيرموستات المياه ممكن معلق ولو سليم والحراره عاليه افحص طلمبه المياه لانها ممكن بدات تخرب
بالتوفيق

رد: ارتفاع درجة الحرارة
 

انا شايف الموضوع عادى جدا انا الكبوت بيبقى سخن دايما وعادى مادام مؤشر الحرارة مظبوط مبشغلش بالى اهم حاجة مؤشر الحراة سيبك من الاوهام