مصر موتورز مجتمع السيارات - تعالوا نتعرف ببساطة يعنى اية gps

كثيراً ما نسمع هذة الكلمة وكثيراً ما نعرف ان بعض السيارات مزودة بها لكن ياترى ما معناها
اسمحولى بعيداً عن التعقيدات هنتكلم مع بعض بالبلدى
طبعاً انتوا عارفين أن الحاجة ام الاختراع
فى اواخر السبعينيات كان العالم فى منعطف استخدام الصواريخ طويلة المدى فكان لابد من طريقة لتوجيه الصواريخ دى غير مجرد الاتجاة بحيث يستهدف بها مكان بعينه ففكرت الولايات المتحدة الامريكية بأطلاق قمر صناعى يدور حوالين الارض بسرعة معينه تصل الى 7000 ميل وطبعاً انتو عارفين ان الارض ككوكب مقسم بخطوط وهمية اسمها خطوط الطول ودوائر العرض وكان القمر ده يلف لغاية الهدف ويرصد الموقع واقع بين اى خط طول وبين اى قوس عرض ويبدأ يغذى القاعدة بالبيانات اللى بدورها بتقوم بالتوجية عليه ولكن للاسف النتيجة غير دقيقة
ففكرت بأطلاق قمر ثانى بحيث يتم الرصد من قمرين على نفس الموقع كانت النتيجة مش دقيقة قوى
لكن ابتدت تتحقق الدقة من بعد إطلاق القمر الثالث والرابع وهكذا الى ان وصل عد الاقمار فى سنة 1994 الى 24 قمر خاصين بالاغراض العسكرية زى توجية الجنود للمواقع وتحديد اهداف وغيرها

الى أن سمح الرئيس الامريكى رونالد ريجين فى عام 1983 للمجال المدنى ان يستخدم هذة التقنية الخطيرة والتى سببت تطور هائل فى جميع المجالات
وهبقى اكلمكم عن غرائب فى هذا الموضوع
يعنى كلمة gpsهى اختصار للكلمات Global Positioning System
اى بمعنى النظام العالمى لتحديد المواقع
طبعاً اكيد كلكم عارفين ان اى بث قمر صناعى بيكون على uhf يعنى الرصد لايتأثر بالعوامل الجوية والمناخية والجغرافية للموقع
وابتدت الاقمار تكثر الى ان وصلت 32 قمر صناعى والاقمار دة بتعمل بالطاقة الشمسية طول القمر الواحد 5 امتار الوزن فى حدود 900 كجم و يدور القمر الواحد مرتين كل يوم حول كوكب الارض
البث على قنوات L1 , L2 القناة L1 للاستخدام المدنى بتردد 1575.42 MH وطبعاً زى ما ذكرنا سابقاً على ال UHF

اما عن طريقة البث والارسال والاستقبال وتحديد الاماكن والارتفاعات لو شجعتونى اكمل الموضوع هنتكلم فيها
وكفاية كدة وجعت دماغكم والى اللقاء