الشنطة قفلت ومش عايزة تفتح :)
 

السلام عليكم ورحمة الله وبركاته

الى حصل انى لما جيت افتح الشنطة لقيت المفاتح بيلف لفه كامله ولما بخرج المفاتح طلع معايا بقلب الكالون صوباع كده وفى فتحات والشنطة طبعا مقفولة ومش عايزة تفتح أتصرف ازاى .......................

هل ينفع انى من داخل العربية اشيل الخشبه بتاعت السماعات مثلا لو عايز اجيب الغطاء ولا صعب انها تتشال من الداخل ؟

حاجة كمان طيب هل دهر الكنبه ممكن يتحرك او يتشال او يتاخر علشان اشوف الشنطة من الداخل ؟

كده انا هغير اية وهشترى اية فى الموضوع ده كالون للشنطة وهل هو بيكون كامل الجزء الى من داخل الشنطة والقطعة الخارجية اوا لمقبض الخارجى الى بنحط فيه المفاتح ده ولا بيتباع شكله اية وبكام ؟

فى الحالة ده بقى بتاع الابواب هيفتح الشنطة ازاى علشان يغير الكالون ؟؟؟؟؟؟؟؟


موقف غلس اوي وما اعتقدش ان الموقف ده حصل ما حد انا بيحصلى حاجات غريبة والله العظيم الحمد لله على كل شيئ ،،،
تحياتى للجميع ،،

رد: الشنطة قفلت ومش عايزة تفتح :)
 

من فضلك نوع وموديل السيارة
جديدة ام مستعملة
فى افضل الاحوال ان شاء الله الموضوع بسيط لا تقلق

رد: الشنطة قفلت ومش عايزة تفتح :)
 

العربية ايبيزا موديل 1994 4 باب

رد: الشنطة قفلت ومش عايزة تفتح :)
 

بسيطة جداً
اختار ورشة تصليح ابواب محترفة وان شاء الله موضوك يتم حله على خير
سوف تقوم بشراء قلب شنطة جديد اصلى او استعمال خارج
بعد ذلك يقوم الفنى بعمل تمشيط للقلب الجديد مع مفتاح السيارة

رد: الشنطة قفلت ومش عايزة تفتح :)
 

الله يكرمك يا باشا ويطمنك بس السؤال هنا بقى هل قلب الشنطة ده بيبتاع جديد فعلا للموديل بتاع عربيتى ويا ترى سعره فى حدود كام ؟

ولو حبيت اجيب استيراد هلاقى قلبب كالون شنطة ولا كالون كامل ؟

انا سمعت ان ناس كتير تقولك خد الشنطة على بعضها هل ده معقول علشان قلب كالون اتقطم اشتري شنطة كاملة اعتقد انى ابيع العربية احسن ولا اية رايك :) !!!

وجزاك الله كل الخير .....