موقف غريب بخصوص ال 113 و ال213
 

النهارده الجمعه نزلت السوق اشوف كسر زيرو 2009 a113
فشفت ال 213 وكانت اكبر من تخيلاتي ، وباستثناء شكلها ، ما شاء الله العربيه حلوه قوي
كان فيه حد هنا نصحني بيها ، ولما شفتها قلت الراجل ده كان معاه حق ، حقيقي العربيه تتقارن في وسعها باللانوس والأكسنت والفيرنا ، وده كلام حقيقي واي حد ركب العربيه دي يعرف كده
وبصراحه ، قلت خلينا عمليين بلا شكل بلا بتاع العربيه عضمها عامل زي اللادا وماشاء الله واسعه بجد
المهم
باتصل بموزع معتمد لأبو الفتوح
وبسأل على سعرها
لقيت الست بتقولي العربي دي مفيهاش 2009 ، ومفيش منها غير 2008
وقالتلي لو عايز نصيحتي بلاش منها لأن ظهر منها مشاكل كتير ، ولو مصر هي ب54 ، بس الأفضل هات 113
وتبرعت من نفسها بدون ما اطلب منها اي نصيحه بإنها تبعدني عن ال 213
بمنتهي الصدق قالت فيها ما قاله مالك في الخمر
والحقيقه انا راجل متردد اصلا في موضوع العربيات ، ومش ناقص حد يقلقني ، بس أنا استغربت جدا جدا
وحبيت انقل التجربه دي هنا
عشان نتكلم فيها سوا بصوت عالي

رد: موقف غريب بخصوص ال 113 و ال213
 

أنا معنديش معلومات كتير عنها بس بصراحة شكلها منفر جدا

رد: موقف غريب بخصوص ال 113 و ال213
 

الاخ العزيز : بعد ما قرات رسالتك احترمت الست دى قوى لان مفيش حد بيقول الصراحة النهاردة
المهم السيارة a213 اسوء سيارة انتجتها اسبرنزا . فية برنامج على mbc a اسمه TOP GEER اختبر العربية دية وقال انها اسوء سيارة من حيث العفشة ، الموتور والاهم من ذلك ان عنصر الامان غير متوفر بسبب خطا فى التصميم . نصيحة شوف عربية تانية احسن وربنا يوفقك

رد: موقف غريب بخصوص ال 113 و ال213
 

هات الهاتش باك
السيدان دي شكلها مستفز من يوم ما شفتها
الهاتش بشوف بنات سايقنها و شباب و العربيه شكلها كويس معاهم

رد: موقف غريب بخصوص ال 113 و ال213
 

فعلا انا متفق مع حازم باشا على انها عربيه شكلها مستفز فعلا الهاتش باك افضل بكتير