السلام عليكم جيت اطمنكم على مشكلتى مع الصنى
 

انا طبعا كتبتلكم كتير عن المهازل اللى حصلت معايا و اللى كان اخرها انى سافرت بورسعيد فى عز الحر من غير تكيف لأن التكييف بيفصل كل 10 دقايق بالضبط و طبعا كنت هموت من الحسرة ده غير البنزين اللى استهلاكه فوق الطبيعى بشويتين تلاتة انا عملت شكوة فى حماية المستهلك وواحدة فى نيسان ايجيبت و حددولى ميعاد و رحت و لتالت مرة بسمع اصل شحن التكيف ضعيف طيب ما انتم اللى خفضتوا شحن التكيف عشان قلتوا كدة كتير المهم الحمد لله مشكلة التكيف اضبطت و لكن ريحة العطن مش بتروح للأسف و بتكون غير محتملة بالرغم من انهم ركبوا فلتر التكييف اما البنزين فا لا جدوى العربية استهلاكها عالى جدا جدا بطريقة مش طبيعية و فعلا حمل كبير على اى ميزانية متوسطة فا بنصح يا جماعة اللى يشترى يبص للحاجات دى و ميعملش زيىى و شكرا على كل الناس اللى افادونى بنصيحتهم

رد: السلام عليكم جيت اطمنكم على مشكلتى مع الصنى
 

يعنى الحمد لله مشكلة التكييف اتحلت بالشحن المظبوط ؟
و جرب الاستهلاك على طريق سفر على سرعة 90 كم / س ؟

رد: السلام عليكم جيت اطمنكم على مشكلتى مع الصنى
 

الحمد لله ان مشكله التكييف اتحلت وان شاء الله مشكله استهلاك البنزين حتحل بإذن الله
HPPYBUSHPPYBUSHPPYBUSHPPY BUSHPPYBUSHPPYBUS

رد: السلام عليكم جيت اطمنكم على مشكلتى مع الصنى
 

طيب الحمد لله ياعني مشكلة التكييف كانت مجرد شحن ياعني الحمد لله مشكلة لا تذكر ياعني إنتا عربيتك زي الفل.
بالنسبة بقى للبنزين صدقني راجع إسلوب سواقتك لأني المتحكم الأساسي في معدل الإستهلاك هو الي بيسووووووووق مش أي حاجة تانية طبيعة مشاويرك الي بتروحها كلها زحمة وخنقة ولا على طرق مفتوحة نوعا ما ومش لازم تكون سفر, ياعني أنا لو ساكن في التجمع مثلا وبستخدم نفس العربية الي كنت بستخدمها وأنا ساكن في دارالسلام أكيد معدل الإستهلاك هيختلف.

رد: السلام عليكم جيت اطمنكم على مشكلتى مع الصنى
 

جرب توكيل اتو ايجيبت الى فى ابو رواش ودة موضوعى عنهم
http://masrmotors.com/vb/showthread.php?t=73787
هما لسة فاتحيين قريب وبالتالى همهم الاول السمعة، اتصل برقهم 16666 واحجز الاول وان شاء الله الموضوع يتحل