مصر موتورز مجتمع السيارات - استعمال الدبرياج اثناء القيادة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

استعمال الدبرياج اثناء القيادة - استفسارات لاهل الخبرة ؟

لدى بعض استفسارات عن استخدام الدبرياج اثناء القيادة واشكر كل من يرد على استفساراتى :
1- نازل على منحنى جامد وبمور العربية واسيبها الاقيها جابت سرعه 80 كم من شدة الانحدار واحتاج لتهدئة العربية
ما اسلم حل :
- اسيب العربية واخدة الغيار الخامس وامسك دبرياج
- امورها واسيب الدبرياج خالص
- امورها وافضل ماسك دبرياج

2- على السريع وامامى لجنة مرور من بعيد ومش عاوز امسك فرامل جامد بحب اسيب العربية تهدى لوحدها من على بعد مناسب الافضل للسيارة هو :
- اسيبها على الغيار وامسك دبرياج
- امورها واسيب الدبرياج
- امورها وامسك دبرياج

3- وسط البلد وفى الزحام مش بلحق اسيب الدبرياج تماما ، واحيانا فى الشوارع الغير ممهدة افضل ماسك الدبرياج سنة للتحكم بسرعه السيارة يعنى بمشي على الاول او التانى وانا ( مدبرج ) العربية وسمعت ان كدا غلط على الاسطوانه والديسك هل هذا صحيح ؟ واذا كان صحيح ماذا افعل؟
اشكر كل اعضاء هذا المنتدى الرائع واشكر كل من يرد على استفساراتى على مجهودة ووقته

رد: استعمال الدبرياج اثناء القيادة - استفسارات لاهل الخبرة ؟

اقتباس:

1- نازل على منحنى جامد وبمور العربية واسيبها الاقيها جابت سرعه 80 كم من شدة الانحدار واحتاج لتهدئة العربية

الافضل تمور العربية وتشيل رجلك من الدبرياج وتخليها على الفرامل السكة وقفت...تحط فرامل, مشيت تسيب فرامل هتلاقي العربية بتتحرك بعجلة الجاذبية الارضية

اقتباس:

2- على السريع وامامى لجنة مرور من بعيد ومش عاوز امسك فرامل جامد بحب اسيب العربية تهدى لوحدها من على بعد مناسب الافضل للسيارة هو

برضه ممكن تمور وتسيب العربية تمشي بسرعتها و السرعة هتقل وطبعا رجلك ع الفرامل عشان يكون متحكم لو قدرت المسافة او سرعتك غلط

اقتباس:

3- وسط البلد وفى الزحام مش بلحق اسيب الدبرياج تماما ، واحيانا فى الشوارع الغير ممهدة افضل ماسك الدبرياج سنة للتحكم بسرعه السيارة يعنى بمشي على الاول او التانى وانا ( مدبرج ) العربية وسمعت ان كدا غلط على الاسطوانه والديسك هل هذا صحيح ؟ واذا كان صحيح ماذا افعل؟

لو العربيات بتتحرك مسافات بسيطة تقدر تمشي ع السلانسيه بس برضه هتفضل رجلك ع الدبرياج رايحة جاية
هقولك على فكرة بعملها بس لما السكة تبقى مساعدة
ببقى سايب مسافة بيني وبين اللي قدامى وامشيها ع السلانسيه هو يتحرك ويقف وانا مش بقف
وان شاء الله باقى الاعضاء يفيدوك بمعلومات اشمل

رد: استعمال الدبرياج اثناء القيادة - استفسارات لاهل الخبرة ؟

استاذ / فادى
10/10 مافيش كلام بعد كده :clapW15:

رد: استعمال الدبرياج اثناء القيادة - استفسارات لاهل الخبرة ؟

بص مبدأ عام

انت لو دايس علي ادبرياج يبقي اساسا العربيه علي الخامس او اي غيار مش فارقه لانك اصلا ماسك دبرياج

ثانيا مبدأ عام
انت لو ممور العربيه وبتستخدم االفرامل بس كويس لكن انت مش متحكم بالعربيه بتاتا فاهمني
يعني افرض انت نازل من علي كوبري وممور بس فجاه لقيت واحد وقف ادامك او حد كسر عليك من الجنب في النزله وانت عايز تطلع سنه لمين او شمال لو ممور برده مش حتلحق تتصرف بسرعه

الفكره بقي انت تبقي عامل توازن حسب ظروف السكه يعني شويه دبرياج مع غيار الاول او التاني
او تمور وتسيب الدبرياج خالص
او عالتاني من غير دبرياج اصلا بس بالراحه كده

اما بالنسبه لوسط البلد فغصب عنك مش حتقدر تسيب الدبرياج بصوره كامله لانك كل شويه تقف وتتحرك
فلو ماسك الدبرياج
افضل من ما تغير عالاول والتاني كل شويه عشان الفتيس ميتاثرش

كمان حاجه كده ابقي اعملها مع نفسك
اركب تاكسي في يوم في وسط البلد وشوف هو بيعمل ايه تلقائيا كده من غير ما تساله

هي مسالة تعود

ربنا يوفقك

رد: استعمال الدبرياج اثناء القيادة - استفسارات لاهل الخبرة ؟

بص بقى إنتا عليك وعلى الأوتو وهتنام وإنتا سايق كمان.:286: