نتشه غريبه
 

السلام عليكم ورحمة الله وبركاته
انا معايا بولونيز والعربيه لما ادورها الصبح تقرفنى جدا فى الدواره وتفضل تبطل وادور وتبطل لغايه ما الموتور يلقط ولكن كانه شغال ب2 بوجيه بس الكهربا واطيه جدا وببيقوم بالعافيه ولما امشى يبقى السحب ضعيف جدا جدا واول ما الموتور يسخن بعد فتره كده يبقى تمام والسحب تمام والعربيه ماشيه زى الحلاوه يا ترى ده يكون ايه انا محتار اوى اوى

رد: نتشه غريبه
 

صعوبة التدوير و الله اعلم
شغل رداخ و كاربيريتور و شفاط
و لما العربية تسخن تبقى تمام : كله كده

عامة ايه اخبار طقم الكهربا ( بوجيهات - سلوك - موبينة - اسبراتير- ابلاتين - كوندنسر )

رد: نتشه غريبه
 

البوجيهات طلعتها ونظفتها وسنفرتها وهى اساسا بقالها بتاع 1000 كيلو ولا حاجه والابلاتين والكوندنسر كمان والسلك زى الفل والموبينه تمام بس وانا بدورها بتضرب مدافع كام مره كده هو فيه حاجه فى الكهربا من فتره ومحدش عارف ايه هى لانى لما بظبط الكهربا تمام المارش بيعتل جامد ولما الكهربا بتبقى واطيه المارش بيلف زى الحلاوه بس العربيه بتنتش وكده والسحب بيبقى قليل مش عغارف ايه سبب الامور دى

رد: نتشه غريبه
 

الصراحة معرفش
يا ريت حد يفيدنا
حكاية المدافع جرب اكشف علي الاسبراتير
و الله اعلم ممكن يكون سلك الكوندنسر مش مربوط صح
ممكن يكون رق الادفانس بتاع الابلاتين
اما حكاية تعتيل المارش فممكن تكون البطارية او كاتاوت الدينامو بس المشكلة متبانش و الكهربا ماخره عشان مش مظبوطة و بتفوت بوجيه او اتنين فالمارش واصله كهربا مناسبة
لكن لما تقدم كهربا و ال 4 بوجيهات يوصلهم كهربا المارش متوصلوش كهربا كافيه
هذا و الله اعلم