مصر موتورز مجتمع السيارات - مشكله فى باور سيارتى الشاهين

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

- - مشكله فى باور سيارتى الشاهين (https://www.masrmotors.com/vb/showthread.php?t=69339)

مشكله فى باور سيارتى الشاهين

السلام عليكم ورحمة الله وبركاته
اولا اتمنى اللى يعرف يفيدنى يبقى جزاه الله خيراً
انا عربيتى شاهين موديل 2001 كانت مسروقه ورجعت بعد شهرين من سرقتها
لكن رجعت الباور مش شغال وفتحت علبة زيت الباور ملقيتش زيت خالص والدركسيون تقيل جداً
لما روحت للعفشجى قال ان علبة الدركسيون فيها مشكله ولازم تتصلح فى شارع شامبليون أخدت علبة الدركسيون وروحت شارع شامبليون بصراحه الناس هناك نصابين ومفتريين قالولى هتتصلح ب 600 جنيه علشان عاوزه عمود وطقم اصلاح من هنا لهنا دفعت 400 جنيه المهم الباور اشتغل تقريبا اسبوع وبقى تقيل تانى
رجعت تانى لشامبليون قالولى ماكينة الباور فيها خرطوم بيسرب وتصليح الخرطوك وكبسه 150 جنيه المهم دفعت وبرضوا الباور تقيل
المهم لما رجعت للعفشجى قاللى ماكينة الباور باظت وعاوزه تتغير وسألت عليها جديده ب 800 جنيه
لو فى حد عنده افاده المشكله ممكن تكون فين وتتصلح ازاى ياريت يفيدنى

رد: مشكله فى باور سيارتى الشاهين

للرفع
ياريت حد يفيدنى

رد: مشكله فى باور سيارتى الشاهين

المفروض مكنتش تصلح علبه الدريكسيون .. الحاجات دى لما بتتصلح مش بترجع زى الاول خالص ..

هات القطع دى استيراد افضل حاجة .. وابعد عن الميكانيكى ده خالص ........

رد: مشكله فى باور سيارتى الشاهين

بص ياباشا انا معايا نفس العربية ونفس العيب ومن اسبوعيين صرفت حوالي 1200 علي تصليح العلبة في شامبليون وغريها وبرضوا باظت وفي الاخر ريحت دماغي خالص وشلت العلبة الباور وجبت واحد هاف باور ( العادة يعني ) مش باور بحوالي 320 ج تركي ممتازة ومحستش بفرق كبير الا في الركن الضيق فقط غير كدا ممتازة ارحم نفسك من الوقفة وتضيع الوقت مع العلم الجديدة صيني 1800 ج من غير ضمان ماكينة الباور 600 صيني من غير ضمان الاصلي الايطالي العلبة 4000 ومكاينة الباور 2000 يعني ثمن عربية 127 او 128

رد: مشكله فى باور سيارتى الشاهين

زى ما قال الاخوة الاعضاء, لا أمل من اصلاح علبة الدركسيون لأنها مهمة دائما ما تفشل,
هات علبة باور جديدة أفضل.