|
نصيحة لوجه الله..الواد حط منظف الرشاشات كله مره واحدة ..اعمل اية
السلام عليكم يا جماعة حد يقول الموضوع فى خطورة على العربية ولا اية انا دخلت بنزينة موبيل وسألت على منظف رشاشات واحد زميلى نصحنى بيه وقالى هتفرق فى السحب ومش عارف اية المهم انا معايا لانوس 2011 قلت للى هناك عاوز منظف طلعلى واحد لون العلبة اسود ب 20 جنيه ومكتوب عليه انه امريكى وقالى دا كويس قلتله استخدمة ازاى قالى حطه على 20 جالون يعنى تقريبا على 70 لتر قلتلة انا التانك 48 بس قالى طيب حطة على مرتين قلت ماشى نزلت البنزينة قلت للواد حط نص دا وفول عليه ببص لقيته حط العلبة كلها وبيقولى انت مقولتش طلعت للراجل اللى باعه قلتلة هيحصل اية لو حطيتة كله قالى عادى دى اضافات مش اكتر المهم دا هيأثر على اى حاجة فى العربية ولا عادى ولا اعمل اية بالظبط وشكرا لحسن تعاونكم |
رد: نصيحة لوجه الله..الواد حط منظف الرشاشات كله مره واحدة ..اعمل اية
مش هياثر على حاجة ان شاء الله وممكن تقلل نسبتة بانك تفول تانى بعد ما تخلص نص التانك
ويفضل عموما انك بعد ما تخلص التانك ده تغير فلتر البنزين |
رد: نصيحة لوجه الله..الواد حط منظف الرشاشات كله مره واحدة ..اعمل اية
لا تقلقك
مثل رأى ابو نورا لا يوجد اى خوف من اى اضافات منظفة غير الفلتر بعد 200كم دائما فول وكمل بعد نصف التنك وهذة طريقة للحماية من الشوائب عامة |
رد: نصيحة لوجه الله..الواد حط منظف الرشاشات كله مره واحدة ..اعمل اية
طبعا انا متفق فى الراى لانى لما بحطه بحطه كله طبعا
بس بعد اذنكم حكاية تغيير الفلتر دى ملهاش علاقة لان المادة دى شغلها من بعد الفلتر |
رد: نصيحة لوجه الله..الواد حط منظف الرشاشات كله مره واحدة ..اعمل اية
جزاكم الله خيرا بجد طمنتونى وان شاء الله هفول تانى لما التانك يوصل النص |
| الساعة الآن 10:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017