ممكن نصيحة من الخبراء
 

انا عاوز النصيحة يا اهل الخبرة فى شراء سيارة فى حدود 37 الف ... امامى فيات بونتو مو 2000 نظيفة جدا و سيينا 2001 و ابيزا 99 وبولو 95 بس طبعا الناس مخوفانى من الابيزا و البولو لغلو قطع الغيار و البعض بينصحنى بالبونتو و يقولى ابعد عن السيينا و بصراحة انا مش حاببها اوى. رجاء النصيحة و ياريت حد يسعرهم و لو فيه عربية اوتوماتيك انا مش واخد بالى منها ياريت . و اوعدكم اما اشتريها اعمل تقرير مصور شامل عنها و اقولكم عن كل تفاصيلها.وشكرا مقدما.

رد: ممكن نصيحة من الخبراء
 

متابع باهتمام

رد: ممكن نصيحة من الخبراء
 

برغم حبي للبولو...ز لكن التجربة بينت ان البونتو اقتصادية اكتر و قطع غيارها اقل و متوفرة اكتر.... توكل على الله

رد: ممكن نصيحة من الخبراء
 

متشكر جدا على اهتمامكم و بالفعل انا صرفت نظر عن البولو و الابيزا و امامى البونتو و السيينا بس برضه انا لما اتفرجت على السيينا معجبنيش شكلها و مرتحتلهاش خالص و بعدين لقيتها 1600 سى سى و انا افضل عربية تكون 1300 او 1400 بالكتير و تكون شبابية شوية عن السيينا.فأنا دلوقتى خلاص ناوى على البونتو و عاوز رأى حضراتكم فيها هيا مو 2000 كاملة مانيوال فبريكة بالكامل و اتفرجت عليها و لقيتها نضيفة جدا و اخذت معايا ميكانيكى و قالى العربية بحالة الزيرو فعلا .المهم صاحبها طالب 38.5 فيها .ارجو من حضراتكم النصيحة لو مثلا عرفت انزلها شوية ل 37 تبقى كويسة بالسعر دا اخلص فيها ولا لا ؟ رجائى الرد يا جماعة لانى عاوز اشترى بأى طريقة دلوقتى لانى محتاج عربية ضرورى و كمان خايف العربية دى تكون كويسة وتتباع . رجائى الرد

رد: ممكن نصيحة من الخبراء
 

ايه يا جماعة ؟ مفيش حد عاوز يفيدنى فى شراء السيارة ليه ؟ كلها مشاهدات و مفيش ردود .