استفسار عن شراء عربية
 

السلام عليكم
انا بصراحة ناوي اشتري اول عربية بس بصراحة محتار حيرة جامدة جدا
معايا 18000 ومحتار بين مازدا 323 وبين فيات 131 ومش عارف اختار مين فيهم
حاسس ان الفيات عموما عيوبها كتير وخشنة والمازدا قطع غيارها ياباني وبتعيش ومش هتقل معايا في اي طريق
لكن حاسس ان الفيات اعلى وناشفة اما المازدا حاسسها واطية وضعيفة
محتااااااااااااااااااااار يا اخواننا هل من احد ينصحني لوجه الله
هل ال 131 ممكن اجيبها ومتعمليش مشاكل وهل مصارفها كتير ولا مكمن تبقى بنت ناس معايا
ولا تفتكروا اجيب المازدا واستمتع بالسواقة
منتظر الرد على احر من الجمر
اخوكم هيثم

رد: استفسار عن شراء عربية
 

رد: استفسار عن شراء عربية
 

بص انا معايا 31
العربيه تحفه وبسافر بيها وقطع غيارها عند البقالين واى حد بيشتغل فيها
وعربيه اصيله اوى
ده بالنسبه ل31
الماذدا انا اصلا مبحبهاش بس هى عربيه حلوه برده
بس طالما حاجتها يبانى هاتبقى اغلى من ال 31 ف قطع الغيار انا معلوماتى مش كتيير عليها

رد: استفسار عن شراء عربية
 

بص هوا أنا هقولك على حاجة الي غتنين عربيت قديمة ومستعمله فا زيارة الميكانيكي واجب عليك لا مفر.
بس أنا لما أركب قديم أنقي عربية أعرف اصلحها المازدا فيها شوية حاجات هتغلبك كدة شوية ياعني مثلا تيجي تغير قلب الكالون بتاع الشنطة هيقولولك لا يابرنس دي مابينزلهاش جديد وتلاقي نفسك مركب سرة باب صغيرة أو درج مكتب ومفتاح شكله يعرّ بصراحة.
مثلا أكرة الباب الداخلية بردو مش موجودة ولازم يا برنز تلف أسواق المستعمل والإيستيراد إنما هيا عربية جميلة بمعنى الكلمة وأحسن بكتير من 31 أنا كان ليا تجربة معاها بسيطة كدة والي بحكيهولك عن المازدا دا فعلا عن سابق تجربة.
خليك في المضمون ياباشا ال31 بقى بتتصلح في أي حته وقطع غيارها ماليا الدنيا وتقدر تروش او تعدل فيها بتلاتة مليم.

رد: استفسار عن شراء عربية
 

شكرا جدا لكل اللى ساهم لكن ما زالت الحيرة قائمة ويوجد ميول لل 131 بسبب المتانة والارتفاع عن الارض خاصة اني ساكن في المرج ولسة بتعلم جديد و سلم على كل المطبات
وعاوز اقول حاجة بعيد عن الموضوع ان المنتدى هنا حاجة تفرح من مشاركات الاعضاء والنصيحة الخالصة لوجه الله
ربنا يبارك في كل اعضاء ومشرفين مصر موتورز