عاوز افهم
 

يا جماعة أنا معايا ماتركس 2001. المهم أنا عاوز أفهم حاجة بخصوص زراع النور العالى والواطى للفوانيس الامامية.

انا عندى الدراع فيه رأس بلفتين. اللفة الاول مش بتولع الفوانيس الامامية ولكن النور الداخلى فى التابلوة بيولع بحيث أجد كل المفاتيح بالتبلوة منورة بألألوان مختلفة وكذلك عدادات السرعة وغيرها أجدها منيرة ظاهرة فى الظلام.

اللفة الثانية اجد النور الأرضى بيولع وهذا النور جيد وطويل بحيتث يغطى حوالى 20 متر للامام.

اما النور العالى فبيكون عن طريق تحريك الزراع كلة ناحية السائق فيكون النور العالى (رعاش) وليس نور دائم طوال الرحلة.

هذا الامر محير بالنسبة لى لان عربية الوالد القديمة فيات 124 كان تحريك الزراع يشغل النور الحركة الأولى تشغل النور الواطى والحركة الثانية تشغل النور العالى فيكون النور العالى منور طوال السير ولا ينطفئ إلى بتنزيل الزراع لاسفل. وعند الرغبة فى القيام بحركة الرعاش كان الوالد يرفع الزراع وينزلة عدد من المرات بسرعة.

أريد أن أفهم الأن هل هذا طيبعى فى سيارتى الماتركس؟ هل كل العربيات الحديثة يكون النور العالى رعاش فقط ولا يتم تشغيلة بصفة مستمرة؟ هل اللفة الأولى فى الزراع تشغل نور التابلوة فقط والثانية للواطى فقط؟

أنا عندى فوجات يتم تشغيلها عن طريق زرار منفصل فى التابلوة وليس من خلال اى من ازرعة الدركسيون. ما فائدة نور الشبورة الموجود فى الاسفل قرب سطح الأرض طالما ان النور الواطى يقوم بنفس العمل؟

عاوز أفهم وشكرا

رد: عاوز افهم
 

ايه يا رجالة؟

رد: عاوز افهم
 

زراع النور يكون طبيعيا اذا
1 عند اللف المرة الاولى تضاء اللمبات فى الداخل التابلوة و لمبات بيان التكييف و الكاست و زراير الزجاج و فى الخارج تعمل لمبتان صغيرتان فى الكشافان الاماميان و بالنسبة لنور الشبورة يوجد لة زرار مخصص خلف زراع النور يضاء و يطفى حسب الحاجة
2 عند اللف للمرة الثانية يضاء جميع ما سبق بالاضافة للنور الواطى الامامى ليكشف لك الطريق
اما اذا اردت النور العالى مستمر للسير بسرعة فى طريق طويل كل ما عليك هو ازاحة الذراع جهة التابلوة عكس جهة السائق

رد: عاوز افهم
 

متشكر جدا يا sobh71 على ردك الكريم. الحقيقة أول مرة أعرف ان الزراع بتاع النور بيروح عكس اتجاه السائق علشان النور العالى يفضل مولع.

الغريب به أن النور الصغيرة الموجودة فى الكشافين الأماممين واللى مفروض ينورا لما الف الزراع لمرة واحدة كان فى الاول بينور لمبة واحدة والثانية كانت الظاهر محروقة دلوقتى الأثنين محروقين يعنى مش بيولعوا لما الف البكرة اللى فى الدراع مرة واحدة.

محتاج زيارة للكهرئى لانى حاولت افك اللمبة الصغيرة دى ولكن كان فى كلبس جامد مش عرفت بينفتح ازاى...

رد: عاوز افهم
 

أما بقه فايدة نور الشبورة ان فى ظروف الرؤية الصعبة تشغله علشان العربيات الى قدامك تشوفك فى المرايا بتاعتها لانه نور صغير و قوى فيبان بسهولة اكتر من الفوانيس العادية لكن طبعا مش معمول علشان انت تشوف بيه حاجة
و فى بعض العربيات تشغيل نور الشبورة بيزيد من قوة إضائة الفوانيس الخلفية الحمراء لتسهيل روئية عربيتك للعربيات الى جاية من وراها