الكباس شكلة هينفخني ...
 

مساء الورد علي كل اعضاء اجمد منتدي سيارات في مصر

الحقيقة دي اول مرة اعمل فيها موضوع و علي قد اعجابي بكل الناس البروفيشيونال في اي حاجة متعلقة بالسيارات مالقيتش غيركم استنجد بية في ورطتي مع الكباس.

انا عندي سيارة النترا خليجي مو 2007 التكييف كان شغال زي اللوز و فجأة وانا علي الطريق حسييت بقفشة خفيفة و بعدها التكييف بقي يجيب هوا سخن... طبعا فصلت زرار ال A/C علطول و كملت السكة عادي
رحت كشفت علية عند متخصص تكييفات و كان املي يقولي انو محتاج شحن فريون او اي حل ابسط لكنة للاسف اداني الخبر الفلة ع الصبح ان الكباس قفش و محتاج يتغير !!!!nononono
انا بكتبلكم من الاقصر يعني السياحة نايمة ..يعني الصيف لسة طويل .. يعني التكييف لازم يشتغل..بس نفسي يشتغل بتكلفة حنينة مش بالارقام اللي سمعتها عن اسعار الكباسات .

ارجو من اي حد عندة حل لمشكلتي يساعدني .. هل ممكن الكباس يتصلح ؟لو أة يبقي فين و ازاي؟؟ و لو لا يبقي اية اسعار الكباس الاستيراد و فين ممكن القاة .

شكراااااااااااااااااااااا ااااااااااا

رد: الكباس شكلة هينفخني ...
 

ربنا يعييييينك و يسترها عليك و ان شاء الله تصلحها بأقل تكلفه:iloveyou24:

رد: الكباس شكلة هينفخني ...
 

Romio باشا الف شكر علي زوقك

رد: الكباس شكلة هينفخني ...
 

للاسف وعن تجارب ناس كتيير لو الكباس حقيقى يبقى مش هينفع الا التغيير لانة زى حلقة متواصلة مع التكييف وبلاش تبوظ التكييف كلة عشان حاجة ممكن تركب ونصيحة اخى ليك هاتة من التوكيل لانة كل اللى برة صينى صدقنى كلة ضارب

رد: الكباس شكلة هينفخني ...
 

شكرا اخي ميمو علي الرد بس في حد يعرف سعرة كام في التوكيل ؟