|
تفسير : ساعات تشوف جنط عربية بيلف لورا و هي ماشية لقدام !
اكيد كلنا مر بالتجربة دى تلاقى الجنط كأنه بيلف لورا و العربية ماشية عادى لقدام
بلاش او المروحة الستاند فى البيت بالذات و هى بتبطل و بتغير سرعتها للابطىء تحس انها عماله تعكس اتجاهها :hech: بصوا يا جماعة انا مش دكتور بس الى انا فاهمه العين بتشوف مستمر لكن المخ بياخد وقت علشان يحلل البيانات العصبية الى جياله من الشبكية rendering يعنى تقريبا و الله اعلم بياخد جزىء على 20 من الثانية لتحليل البيان فكأنه بياخد لقطة كل 1 على 20 من الثانية يعنى بالرغم ان العين مستمرة فى ادخال الضوء الا ان المخ مش مستمر فى اعطاء صور لا نهائية بيديك صورة كل 1 على 20 من الثانية و الى بينهم مبتشفهوش يعنى من الاخر انت بتشوف frames و ده يفسر حاجات كتير زى لو بصيت من شباك قطر على الطريق و الزرع القريب من القطر حتلاقى المشهد متداخل و الصورة سايحة على بعضها او لما واحد ياخد التانى بشومة مبيعترضش غير لما يفوق فى المستشفى و مبيبقاش عارف هو فى ايه :khd: و ده يثبتلك بطىء مخنا نرجع للجنط http://unpics.com/pic/auto/nissan/13508/_.jpg تخيل جنط بيلف فى اتجاه عقارب الساعة تخيل دراع من الجنط و انت بتبص عليه حتلقطة فى الوضع العلوى مثلا ( س 12 ) بعدها حيلف شوية و انت مش شايفة لان المخ بيحلل لسة و حتلقطة اللقطة التانية عند الوضع الافقى يمين ( س 3 ) و حتلقطة اللقطة التالتة عند الوضع السفلى ( س 6 ) و حتلقطة اللقطة الرابعة عند الوضع الافقى شمال ( س 9 ) فانت فعلا كده حتشوفه بيلف فى التجاه الفعلى لحقيقته اما بقى فى سناريو مختلف شوية لو الجنط سرعته زادت شوية بحيث حصل كده حتلقطة اولا فى الوضع العلوى ( س 12 ) بعدها حيلف تلات تربع لفه 3/4 ( لانه اسرع من المثال السابق ) فحتلقطة اللقطة التانية عند الوضع الافقى شمال ( س 9 ) و حتلقطة اللقطة التالتة ( برضه بعد تلات تربع لفة 3/4 ) عند الوضع السفلى ( س 6 ) و حتلقطة اللقطة الرابعة ( برضه بعد تلات تربع لفة 3/4 ) عند الوضع الافقى يمين ( س 3 ) كده بقى جمع الصور حتلاقى ان الى المخ حيشوفه و يفهمه ان الجنط بيلف العكس هههههه هههههههههههه ههههههههههههههههههههه :w6w200504112246446a :w6w200504112246446a:w6w2 00504112246446a |
رد: تفسير : ساعات تشوف جنط عربية بيلف لورا و هي ماشية لقدام !
حلو اوي التفسير ده
تسلم يامعلم:286::286: |
رد: تفسير : ساعات تشوف جنط عربية بيلف لورا و هي ماشية لقدام !
اقتباس:
بالرغم انك غيرت اسمك بس عرفتك على طول :HAPPY_~211: |
رد: تفسير : ساعات تشوف جنط عربية بيلف لورا و هي ماشية لقدام !
طب ده مخنا في مصر
ولا كل الناس زييينا. ههههههههه |
رد: تفسير : ساعات تشوف جنط عربية بيلف لورا و هي ماشية لقدام !
ما شاء الله موضوع رائع كالعادة
المروحة دي كانت عاملالي مشكلة فعلا حضرتك قصدك ان في الجزء التاني بتاع الجنط المسرع ان في الحالة دي شكلة بيبان كأنه يدور عكس عقارب الساعة من 12 ل 9 ل 6 ل 3 علي عكس الجنط الاول الابطا اللي بيلف مع الساعة من 12 ل 3 ل 6 ل 9 ؟ وفعلا زي ما حضرتك قلت المخ لية قدرة معينة علي استقبال الصور او تتابع الframes ودة بيأدي لحاجه اسمها visual latency او التأخر البصري زي ما يكون باب مثلا وناس كتير واقفة برة ولا يسمح بدخول الا عدد محدد نتيجة ان الابصار نفسه عملية طويلة يعني الضوء او الصورة تعتبر زي مثلا اوتوبيس ماشي وبيعدي علي محطات متعددة بمعني ان العين اللي بتستقبل ( الشبكية) دي بتعتبر جزء من المخ لانها مستقبلات عصبية(تحول الضوء الساقط عليها الي اشارات عصبية) ثم تمر بالعصب البصري ثم بالمخ وحتي في المخ مش محطة واحدة لا عدة محطات سبحان الله جزاك الله خيرا وجعله في ميزان حسناتك |
| الساعة الآن 02:38 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017