|
سرور : أى نائب ها يحط شعار المجلس على لوحة سيارته سيتم حبسه !!
من الأن فصاعدا لن يكون هناك خيار وفقوس فى اللوحات المعدينة للسيارات الخاصة فى مصر .
فقد بدأت الدائرة بالسلطة التشريعية أعلى سلطة فى البلاد ، من خلال تحذير واضح وصريح من الدكتور فتحى سرور رئيس مجلس الشعب للنواب بانه سيتم حبس اى نائب يقوم بوضع شعار المجلس على اللوحات المعدينة الجديدة. واوضح سرور ان الحبس سيكون وجوبيا لان الحالة " تلبس" وانه لن يتم رفع الحصانة عن النواب فى هذه الحالة وفقا لنصوص قانون المرور الجديد . تحذير سرور جاء بعد رسالة تلقاها من وزير الداخلية حبيب العادلي يؤكد فيها ان قيام بعض نواب الشعب باستبدال اللوحات المعدنية الخاصة بتراخيص السيارات بلوحات اخرى موضوع عليها شعار مجلس الشعب وهو الامر الذى يثير ردود فعل سلبية بين جموع الشعب . وقال سرور انه قام بمراجعة القانون واتضح ان المواد 13 و14 و72 من القانون رقم 16 لسنة 1973 واللائحة التنفيذية للقانون تجرم عملية استبدال اللوحات المعدنية المنصرفه من ادارات المرور بالحبس وان قانون الاجراءات الجنائية فى مادته 33 يؤكد انه حال تلبس عضو مجلس الشعب فى اى جريمة لايحتاج الى اجراءات رفع الحصانة ويتم محاكمته على الفور دون العودة لمجلس الشعب . |
رد: سرور : أى نائب ها يحط شعار المجلس على لوحة سيارته سيتم حبسه !!
والله الناس ديه بتهرج يعنى ابن مين ان شاء الله اللى هيقدر يوقف عضو مجلس شعب ويتحفظ عليه علشان يحبسة ؟
|
رد: سرور : أى نائب ها يحط شعار المجلس على لوحة سيارته سيتم حبسه !!
ادينا بنتفرج يابونورا ......
وبعدين ده كلام ياباشا هو الكلام عليه فلوس وبعدين ممكن الموضوع ده يكونوا عاملينو علشان نواب الاخوان ياعم دول حلال فيهم الحرق |
رد: سرور : أى نائب ها يحط شعار المجلس على لوحة سيارته سيتم حبسه !!
برده بلطجة و استغلال نفوذ و قلة ادب
هى مصر كدة و هتفضل طول عمرها كدة و على فكرة الدول العربية كدة برده,,,, الكوسة فيها للركب و تقولى مصر تتقدم ,,,,, ادى دقنى على فكرة الناس اللى برة مااتقدموش عشان هما احسن مننا ولا اذكى مننا و الله العظيم ابدا ,,, و انا اتعاملت مع كتير منهم .... الناس دى اتقدمت عشان تطبيقهم للنظام فى كل حاجة فى حياتهم بسسسسسسس مش كل حاجة بلطجة و استغلال نفوذ و.................. ربنا يهدى |
رد: سرور : أى نائب ها يحط شعار المجلس على لوحة سيارته سيتم حبسه !!
القانون من سنة 1973
يعني بقاله 36 سنة لم يطبق و رئيس مجلس الشعب افتكر دلوقت و عيازين الناس تحسن الظن إن استطعنا ان نحسن الظن بالشيطان يبقي الدور علي الحكومة |
| الساعة الآن 09:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017