انا كنت متحير بين شراء اللوجان والصني
 

انا كنت هشتري رينو لوجان ولكن كثير من الناس خوفني منها ع تقفيل السيء واستهلاكها للبنزين وانعدام اعاده البيع واقنعني احد زملائي بشراء نيسان صني اتوماتيك وانا حجزها بقالي شهرين ولسه منزلش موديلات ٢٠١٢ فارجو من الساده الاعضاء االذين يملكون لوجان ان يوضحوا لي مميزاتها وهل هي عربيه تعيش ولا خمس سنين وهضطر اتصرف فيهاالتوضيح ع اللوجان

رد: انا كنت متحير بين شراء اللوجان والصني
 

نصيحة بغض النظر عن اللوجان وغيرها او حتى النترا او اربى او اى عربية
النيسان صنى وتيدا من احقر واعفن السيارات الان وكل الناس بتشتكى واولهم عمى جايبها من 6 شهور بيلعن ابو اليوم اللى ركب فية النيسان وغير الاعضاء اللى هنا والشكاوى بتاعتها طبعا مش اى شكاوى دى حاجات فى الماتور وعيوب فظيعة فى التقفيل وسخونة فى التكييف طقطقة فى الدريكسيون حوارات واسال واشوف لو شاكك فى كلامى هات اى عربية تانى بالفلوس دى 105 الف مش قليل انما فلوسك هتدفعها فى الارض لو جت العربية الزبالة دى

رد: انا كنت متحير بين شراء اللوجان والصني
 

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
http://www.loganclub.ro/
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.masrmotors.com/vb/showthread.php?t=67787

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.masrmotors.com/vb/forumdisplay.php?f=160

رد: انا كنت متحير بين شراء اللوجان والصني
 

انا متشكر جدا علي رد استاذ مومو واستاذ ايمن وعايز اسال حضرتك يا استاذ ايمن انا عايز عربيه تعيش معايا وتستحمل فاللوجان تيش ولا خمس سنين وهضطر ابيعها فانا عايز راي حضرتك في الصني هل هي معمره اكثر وانا سمعت ان النيسان ورينو بقوا شركه واحده مع فرق ان نيسان تقفيل مصري وتانيه مغربي فياريت اسمع رايك حضرتك ف صني بكل حياديه مع العلم اني هجبها اتوماتيك والاتوماتيك اسهل لو جبت لوجان النص كمالييات افضل ولا الكامله ولا بلاك لاين ومعذره ع الاطاله

رد: انا كنت متحير بين شراء اللوجان والصني
 

اضافه لامكانيتها لبعض الاخوه العرب
العربيه فرنسيه تقفيل كوري مش مغربي زي مصر
اختلاف كبيييييييييييييييييييييير جدا بين عربيه مصر وعربيه السعوديه انا ركبت الاتنين والفرق شاسع لصالح السعوديه
السعر 37 الف ريال للنص كامل
و 40 الف ريال للفل كامل
الماتور الغريب بقا ان المواتور من نيسان والمكيف من نيسان
وده الي خلاني اتمسك بالعربيه جدا