اسطوانة وديسك وبلية وياريت الرد
 

:1336:السلام عليكم ورحمة الله وبركاته
انا عضو جديد معاكو وعندى مشكلة حصلتلى فى العربية
يوم الخميس وبدون اى مقدمات العربية لم تقبل اى غيارات وطبعاً بعد الاتصال بالميكانيكى كتر خيره جالى على الاتوستوراد وما ادراك ما الاتوستوراد باليل ومعايا المدام والاولاد وخد العربية ( قطرها ) وقالى اسطوانة وديسك وبلية
المهم سالت فى التوكيل قالى قطع الغيار بالتركيب 1550.00 جنيهاً
لكن الميكانيكى وصفلى محل اسمه المنير فى اول فيصل والراجل كتر خيره جابلى مجموعة الدبرياج بالكامل اصلى بـ450.00 جنيهاُ والميكانيكى اخذ 150 جنيه
لانه قالى شغل الهيونداى النترا مقرف جداً فى الفك والتركيب
السؤال هل اللى انا عاملته صح ولا غلط انى صلحت عند ميكانيكى وماروحتش التوكيل .

رد: اسطوانة وديسك وبلية وياريت الرد
 

بص ممكن تعمل صيانة برة ممكن زيزت وفلاتر وحوارات سمكرة ودهان انما الحاجات اللى بتتغير كل 4 الى 5 سنوات دى لازم تتغير فى التوكيل عشان لو ظهرت مشاكل تقدر تحلها زى السيور للمكنة الدبرياج واهم حاجة التكييف لكن مادام العربية شغالة كويس معاك خلاص مفيش مشكلة والمرة الجاية غير الحاجات التقيلة فى التوكيل احسن وطبعا هناك الاصلى بتاع العربية

رد: اسطوانة وديسك وبلية وياريت الرد
 

انا في رايي ان حضرتك عملت الصح لما توفر 900 جنيه وانت راجل متزوج الله يكون في عونك يبقي تمام اوي ومبرروك عليك وعلي فكره المنير انضف واحد في شارع الملك فيصل يبيع الحاجات ديه ومبروووك عليك

رد: اسطوانة وديسك وبلية وياريت الرد
 

صح طبعا

وحكمك على السياره حاليا هو الأساس

فى التفرقه بين الصنايعى والتوكيل

فطالما النتيجه حاليا تمام

يبقى أنت عملت الصح بدون تفكير

رد: اسطوانة وديسك وبلية وياريت الرد