إستفسار: بعض الأسئلة بخصوص الفتيس التبترونيك – برجاء المساعدة من الخبراء..
 

· هل يمكن التحويل (و إنت ماشي على أي سرعة) من المانيوال للأوتوماتيك أو العكس من غير ما يكون له تأثير على العربية.
· لو مثلا طلعة كوبري أو أي مطلع ممكن أطلعه على ال D و لا يفضل ال S أو المانيوال.
· لو البطارية فاضية ممكن العربيه تدور زق و هي على المانيوال.
· أفضل زيت فتيس لعربية ألماني.
· أحسن صنايعي للكشف على الفتيس و تغيير الزيت و يكون متخصص في الألماني.

رد: إستفسار: بعض الأسئلة بخصوص الفتيس التبترونيك – برجاء المساعدة من الخبراء..
 

الفتيس التيبترونيك هو فتيس أوتوماتيك عادي جدا ولا يوجد في تركيبه ما يختلف عن الفتيس الأوتوماتيك اللي ما فيهوش تيبترونك غير حاجة واحدة:
إن ساعة ما بننقل على التحكم اليدوي... كمبيوتر العربية بيسيب التحكم للسواق

لمعلومات أكتر ممكن تروحي على الموضوع ده
http://www.masrmotors.com/vb/showthread.php?t=65722

وبالتالي :
- ممكن تستخدمي العربية أوتوماتيك لو مش عارفة تستخدمي التيبترونك... حطي عصاية الفتيس على D، وسيبي الباقي على العربية
- لو العربية عطلت.. ما ينفعش تدور زق.. لإنها أوتوماتيك
- زيت الفتيس زي أي فتيس عربية أوتوماتيك... ويفضل ترجعي لكتالوج العربية.. مكتوب فيه كل حاجة

رد: إستفسار: بعض الأسئلة بخصوص الفتيس التبترونيك – برجاء المساعدة من الخبراء..
 

أولا شكرا على الرد و الإفادة.
ثانيا مش عارف إيه اللي أوحى لك إن صاحب السؤال بنت !!!!!!!

رد: إستفسار: بعض الأسئلة بخصوص الفتيس التبترونيك – برجاء المساعدة من الخبراء..
 

- فى التوكيل حذرنى مهندس الصيانة من التبديل بين المانيوال والاتوماتيك فى فتيس الاستريبترونك اثناء تحرك السيارة
- وقلى انة هناك احتمال ( مهما كان احتمال صغير ) ان يخطىء كمبيوتر السيارة ويسبب مشكلة للفتيس خاصة وان الفتيس غالى جدا ً جدا ً
- وان كنت انا ابدل احيانا ً للضرورة القصوى
- مثلا ً عندما احتاج عزم للسيارة لتخطى اخرى ممكن احول للمانيوال واسقط غيار
- اما عند صعود كوبرى فالاتوماتيك افضل جدا ً خاصة لو الطريق متوقف والتحرك ببطىء فمنع السيارة من الرجوع للخلف عند بداية التحرك

رد: إستفسار: بعض الأسئلة بخصوص الفتيس التبترونيك – برجاء المساعدة من الخبراء..
 

الاخوه الافاضل
مش عارف انا معايه السيارة من سنتين تربتونك وبقلب من الاتوماتيك للمانول عادي جدا والجير معمول اصلا علشان يساعدك في الطريق بين الطلعات والتسارع والكباري

ازاي بقا كمبيوتر العربيه يهتج او يحمل على العربيه مش عارف الكلام ده جبتوه من فين ؟
تحياتي :balloons71: