تزييق فظيع في صالون الفيرنا
 

من ساعت ما اشتريت العربية وكان عندي صوت تزييق طول ما انا ماشي من الابواب الامامية ولما روحت التوكيل قولتلهم علية قام واحد قعد ظبط الابواب المهم الصوت راح شوية .....:w6w200504112220146b

العربية دلوقتي عاملة 15000 كم ابتديت اسمع صوت تزييق جامد جدا في الصالون لما اخد مطب علي العجلة الخلفية يميين كأن واحد ..هاتجنن ياناس:k_crying77[1]: العربية بتزييق من ساعت ما جبتها امال لو جابت 50000 كم هتعمل ايه ..مش عارف اعمل ايع في التوكيل المرة الجاية لاني مش عارف الصوت جاي منين بالظبط ياريت حد يفيدنا بخبرتة مع العلم العربية موديل 2011 مانيوال.

رد: تزييق فظيع في صالون الفيرنا
 

انا كان عندي نفس المشكله تقريبا بس المشكله الاكبر عندي كانت ان فيه زنه غريبه في التابلوه وفعلا صوت التزييق كان بيظهر عندي من الناحيه اليمين وخصوصا في المطبات دا غير اصوات بصراحه ماكنتش عارف هي جايه منين

المهم انا روحت التوكيل اللي في ابو رواش ودخلت علي قسم الهياكل علي طول وشرحتلهم المشكله وطلع معايا اتنين من قسم الهياكل عشان يسمعوا بنفسهم وسبتلهم العربيه وبعدها استلمتها زي الفل من ناحيه التزييق لكن الزنه اختفت وبتظهر لما بامشي في اماكن غير ممهده زي طريق ابورواش مثلا لكن بتروح لما اخد مطب جامد وهكذا

رد: تزييق فظيع في صالون الفيرنا
 

بص يا باشا انا معايا نفس الموديل بتاعك وكانت بتزيق برده ورحت قسم الهياكل فى ابو رواش وعملوها وبقيت زى الفل هو واضح ان ده عيب تفنيش فى الفيبر البلاستيك اللى حوالين الابواب
بس روح لهم وقولهم ان العيب ده انت صلحته قبل كدة وتكرر وهم جايز يغيرولك حاجة وترتاح من التزييق ده

رد: تزييق فظيع في صالون الفيرنا
 

الصوت اللى حضرتك بتقول عليه يمين ورا كان عندى لدرجة ان انا افتكرت المساعد باظ بس روحت للميكانيكى بتاعى الله يكرمه وسمعته الصوت عاملهالى وانا واقف وراح الصوت خالص ولما سألته ده كان ايه قالى دى فيبرة المساعد كانت متحركةمن مكانها وظبطها فى ثوانى قدامى ومرضيش ياخد ولا مليم
بصراحة صنايعى شاطر وانا باعتمد عليه لاننه حافظ كل مسمار فيه وبعمل الصيانة عنده ولا الحوجة للتوكيل التيت ده