مصر موتورز مجتمع السيارات - مساعدة عاجلة؟ فى منظف دورة الوقود

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - مساعدة عاجلة؟ فى منظف دورة الوقود (https://www.masrmotors.com/vb/showthread.php?t=66684)

aymanshebl

29-08-2011 02:45 AM

مساعدة عاجلة؟ فى منظف دورة الوقود

بسم الله الرحمن الرحيم

انا يا جماعة معايا النترا زيرو عاملة 3400 كم تقريبا و كنت بمون لما بيبقى فاضل فى التنك شرط واحد فقط المهم مونت اخر مرة و بعدين حسيت ان العربية متكتفة شوية و انا بشك فى البنزين انا عارف ان غلط اسيب التنك فاضى قرب الاخر و بعدين امون علشان الشوائب و دلوقتى انا معايا منظف دورة الوقود فهل امشى لغاية لما افضى التنك و بعدين افول و احط منظف الوقود و لا احطه دلوقتى و افول و ما هو مقدار المتبقى من البنزين اللى عنده امون علشان الشوائب يعنى لحد صف و لا ربع التنك و شكرا و كل عام و انتم بخير

memodina1

29-08-2011 04:30 AM

رد: مساعدة عاجلة؟

ولا تعمل اى حاجة من دول خالص منظف اية يا حج دا تحطة على 20 الف مش 3000 بص اوصل لحد 5000 كيلو وغير فلتر البنزين وكلة تمام لكن متعملش اى حاجة

aymanshebl

01-09-2011 08:11 PM

رد: مساعدة عاجلة؟

انا الحمد لله انهارده حطيت sonax fuel system cleaner على ربع التنك و بعدين فولت للاخر و الحقيقة بعد الخروج من المحطة لاحظت فوقان للعربية زى الاول و خشانة الصوت و تقل السحب راح و كل حاجة زى الفل الحمد لله و شكرا ليكم و لنصائحكم

AbOnOrA

02-09-2011 09:17 AM

رد: مساعدة عاجلة؟

منظفات الرشاشات مهمة ويفضل استخدامها بشكل دورى بالاخص هنا فى مصر لان اكتر البنزينات مش بتهتم بنظافة الخزانات ونوعيات الوقود اللى بتجيلنا اساسا هى الاسواء

وعن طريقة استخدامة حضرتك بتحطة على صفيحة بنزنين 20 لتر او اكتر بعدها فضل تاخد مشوار طوالى 30 - 50 كم سواقة على سرعات او اكتر
ومتقلقش لو حاولت تجيب سرعات عالية ولقيت العربيه مخنوقة شوية كل ده هيروح بعد التنظيف ان شاء الله
بعد ما تخلص اللى فى التنك تروح تغير فلتر البنزين او تغسلة وتركبة تانى لو لسه شاريه قريب
:waving:

الساعة الآن 08:35 AM.