|
غيرت بعض الاشياء في عربيتي اللانوس
السلام عليكم ورحمة الله اخواني اصحاب الدايو لانوس قمت بعمل اصلاحات في عربيتي وقولت لازم اديكم علم بيها وكل سنه وانتوا طيبين بمناسبة عيد الفطر المبارك اعاده الله علينا وعليكم وعلى مصرنا الحبيبه باليسر والبركات ان شاء الله اولا عملت الاصلاحات في 15/8/2011 وهي كالاتي كنت باسمع صوت خبط جامد لما باحود يمين وشمال والعربيه واقفه مش ماشيه روحت كاشف على المساعدين الامامي - بطاحتين بالكيزان = 120 ج استيراد وخللي بالكوا ان الجديد بعد شويه بيعمل نفس الصوت 2ياي امامي 100 ج استيراد ايضا 2مساعد امامي جديد ماركة جي ام 320 ج - افيز + كاوتشة استبليزر 50 ج - طقم تيل فرامل امامي 90 ج ماركة جي ام - كشف بالاسكانر علشان لمبة الاتشيك كانت بتنور 35 ج وطلع انه حساس شكمان - طقم بوجيهات NGK شمعتين 60 ج - فلتر بنزين جي ام 35ج - روحت بعدها رصصت الخمس عجلات وضبطت الزوايا ( ليه ) لأن لو مسمار في العفشه اتفك لازم بعدها نضبط زوايا ودي كلفت 60ج كله على بعضه بالمصنعيه دي تجربه انا قمت بعملها وقولت اعرفكم بيها ارجو انها تفيدكم أخوكم سامح |
رد: غيرت بعض الاشياء في عربيتي اللانوس
ربنا يهنيك بالتغيير ولعلمك لسة والله عامل برضة شوية حاجات قبل العيد ما يجى كلفتنى 1200 جنية بس الحمد لله كان لازم يتغيروا
|
رد: غيرت بعض الاشياء في عربيتي اللانوس
شكرا على المعلوماتROSE4U
|
رد: غيرت بعض الاشياء في عربيتي اللانوس
انا بشكر الزميل باسوسى على طرحة للتجربة لان بذلك كلنا هنعرف ثمن قطع الغيار (لايف) وكمان نستفاد من تجارب بعض وبالمناسبة
انا كمان لسة مغير السرفو جبت واحد استيراد 150 جنية والمصنعية وتظبيط الفرامل 100 جنية وكمان غيرت ماستر الفرامل الى الاصلى 450 جنية وكمان الموبينة الاصلى 575 جنية بس بصراحة عندى مشكله مش فاهمها عندى الفرامل الخلفية لاتقف خالص الفردتين الامامى هما اللى بيقفشوا بس وجربت على مختلف السرعات وصولاً الى 90 كيلوفى الساعة وبردك لم تقفش الخلفية اتمنى من الزملاء تحديد المشكلة ومساعدتى بالحل |
| الساعة الآن 03:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017