عايز نصيحة في عربية مرتفعه عن الأرض وعفشتها تمام
 

إخواني الكرام
كل عام وأنتم بخير
عايز أصحاب الخبرة يرشحوا لي عربية أوتوماتيك تستحمل مشواري اليومي لعملي وهو 60كم رايح منهم 6 كم طريق غير ممهد لزوم حفر المياه والمجاري من قبل الثورة ومفيش أمل يتصلح الطريق دلوقتي ومثلهم في العوده من الشغل .
يعني المشوار بالإجمال 120كم منهم 12كم طريق غير ممهد

المطلوب
عربيه عاليه ويفضل ذكر الارتفاع بال مم ground clearance حتى أتمكن من المقارنه لأني أحيانا يقولوا العربية عاليه ولما أشوف ال ground clearance أحس إنها مش عاليه كما توقعت

عايز عربية منتشرة مثل إلنترا أو سيراتو أو صني أو لانسر أو تيدا أو سكالا موديلات حديثه للسنة قبل الأخيرة وفي نيتي أبيعها بعد سنتين

والمبلغ من 80000 إلى 90000 جنيه

برجاء التكرم بالعلم أن الفيصل في المقارنه هو الارتفاع عن الأرض والعفشه

وشكرا

رد: عايز نصيحة في عربية مرتفعه عن الأرض وعفشتها تمام
 

انا معرفش حاجة عن الارتفاعات
بس من غير معرفة...شيل الالنترا من دماغك...هي عربية جميلة بس واطية
لو التيدا كسبت في مقارنتك
تبقى فى الجون لان العربية دي جميلة جدي:fun_36_3_1[1]:
بس عندي لك سؤال ...انت فعلا مستعد تدفع 90 الف في كسر زيرو ؟؟؟؟ ايه ياترى
و ربنا يوفقك

رد: عايز نصيحة في عربية مرتفعه عن الأرض وعفشتها تمام
 

شكرا على سرعة ردك ، بالنسبة للمبلغ 90 ألف هدفعه بس بعد الكشف على العربية في التوكيل وبالتالي أنا مش هشتري سمك في ميه

رد: عايز نصيحة في عربية مرتفعه عن الأرض وعفشتها تمام
 

chevy optra

رد: عايز نصيحة في عربية مرتفعه عن الأرض وعفشتها تمام
 

Nissan Tiida بس معرفش ارتفاعها عن الأرض كام بصراحة

في رعاية الله