|
ساعدوني في إختيار سيارة في حدود 60 الف بالإعتبارات دي
السلام عليكم
كل سنة و انتم طيبين يا جماعة من فضلكم انا عايز عربية في حدود 60 لـ 70 الف كحد اقصي و تكون زيرو انا دخلت الموقع دة http://www.contactcars.com و شوفت فية العربيات اللي في السعر دة لقيت الشيفرولية لانوس ، هيونداي I10 ، الرينو لوجان و مش عارف احدد ، لإني عملت research علي انواع العربيات و شوفت اراء مختلفة جداً علي العربية الواحدة ، و محدش متفق علي حاجة حبة ارسي علي اللوجان و ارجع تاني للانوس ، احترت جداً انا خبرتي في العربيات زي خبرتي في الطبخ بظبط كدة = 0 معنديش اي خلفية بمواصفات العربيات ولا سي سي ولا افهم اي حاجة في الحاجات دي :D ياريت تنصحوني بعربية مع الاخذ في الاعتبار النقط دي زيرو تكييف باور ، زجاج كهربا لو فكرت ابيعها مخسرش كتير إقتصادية في البنزين قطع غيارها معقولة و متوفرة شكلها شيك لو في خدمة عملاء و خدمة صيانة للعربية يبقي تمام جداً ياريت تردوا عليا بنوع العربية و سعرها حالياً |
رد: ساعدوني في إختيار سيارة في حدود 60 الف بالإعتبارات دي
انا هكلمك يا جميل عن رينو لوجان وكل اللى بيحط المقارنه دى بكتب نفس الكلام
المختصر المفيد فى اللوجان :joy23: رينو لوجان اوربي ( فرنسي - رومانى ) تقفيل المغرب اهم المميزات اهم واحدة >> عالية عن الارض بطريقة فظيعه مش هتحك مع اى مطب مصفحة من تحت كمان ودا مش موجود فى فئتها العربية الوحيدة اللى تحت الـ 100 الف نازلة بكاوتشات 15 عفشة نعمه مالهاش زى انعم دبرياج هتشوفه فى حياتك كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف اير باج مستوى امان 3 نجوم اوسع شنطة 510 لتر امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع موفرة فى البنزين بسبب ان الماتور 8 صباب ( يفضل بنزين 92) اوسع صالون فى فئتها واوسع تانك بنزين اكتر من (60 لتر بالاحتياطى ) صاج اللوجان صاج قوى والاقوى برضوا فى فئتها طبعا فى اوبشنز تانية يختلف على حسب اذا كنت هتجيب هاف او فول اوبشنز ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو * العيوب ( ومش هنسميهاعيوب ) هنسيمها حركات غلسة بس هتتعود عليها الكلاكس فى درع الاشارة زارير الازار فى التابلوة ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية تنك البنزين والشنطة بمفتاح ترجيع الكراسي بتقعد تلف البكرة صوت الماتور عالى سنة الباور تقيل شوية ودا لثبات العربية على السرعات العالية رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو * قطع الغيار بدات فى الانتشار الفانوس الامامى ب 250 جنية والخلفى ب 150 وجوز المقصات ب 400 جنية ثمن الفول اوبشنز 70 الف جنية وتمنها برة تمنها الاصلى 7500 يورو يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك ودا المصدر http://www.loganclub.ro/ نوع العربية Preference 1.6 MPI 90 CP بعشقها عشق لولو حبيبتى وبس يا سيدى وان شاء الله ربنا يوفقك فى اختيار العربية المناسبة لك ----------------- العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية تقرير مفصل عن العربية بالشرح والصور بواسطة الاستاذ نادر نبيل http://www.masrmotors.com/vb/showthread.php?t=13926 تقرير مفصل عن العربية بالشرح والصور بواسطة الاستاذ حسام البورسعيدى http://www.masrmotors.com/vb/showthread.php?t=51487 بتنزل على 5 ماركات فى كل انحاء العالم فى اسيا وافريقيا والشرق الاوسط Renault Logan وروسيا فى رومانيا والبرزيل وامريكا الجنوبية Dacia Logan فى الهند Mahindra Renault Logan فى اليابان Nissan Aprio Tondar 90 فى مناطق بدول العالم دى فيدوهات ليا بالعربية Logan 180 km/h with 6 Passenger [1] - YouTube 180 و 6 راكب وغرز بيها على الطريق الصحرواى - مصر اسكندرية ودا لما عديت الـ 180 Logan 180 km/h with 6 Passenger [2] - YouTube واتفضل اسال فى اى وقت ودا قسم اللوجان بالمنتدى http://www.masrmotors.com/vb/forumdisplay.php?f=160 واهلا بيك فى قسم اللوجان مقدما http://www.masrmotors.com/vb/images/..._39%5B1%5D.gif |
رد: ساعدوني في إختيار سيارة في حدود 60 الف بالإعتبارات دي
والله يا حاج ايمن بعد كلامك ده انا بفكر انزل ابيع الفيرنا واجيب لوجن
|
رد: ساعدوني في إختيار سيارة في حدود 60 الف بالإعتبارات دي
اقتباس:
بس سؤال والنبى عملت اية فى موضوع رعشة بسيطة فى الدركسيون بتاع الفيرنا اللى خاص بالترصيص انا قربت ابيض بيضة من الموضوع دا والله 3 مرات ترصيص اماكن مختلفة فانت عملت اية انا من السويس |
رد: ساعدوني في إختيار سيارة في حدود 60 الف بالإعتبارات دي
يا أعصابك يا أخي حرام عليك والله الي نتا عامله دا.
ربنا يسترها عليك ياباشا ولو ماكانشي الطريق مستحمل جري ومش فاضي ماتجريش فوق ال 140 لو هتاخد غرز علشان ربنا قالنا نااخذ بالأسباب. مبروك عليك العربية ياباشا مادام مريحاك. أنا كمان رأيي إنها عربية ممتازة بس أنا الي يهمني أكتر من العربية نفسها إني ابقى راكب مستريح ياعني مش هقفل التكييف وأبطل العربية علشان أمون بنزيين ولا أفتح الشنطة كمان أنا وأخويا وبابا كلنا ممكن نركب أي عربية الي فاضية ياعني فا مش كل شوية هفضل ألف البكرة لقدام وورى. كمان أنا أحب العربية تبقى تقيلة ما بفضلشي العربيات العالية لأني قلبي خفيف ومابيطاوعنيش آخد غرزة لو بس فيه أقل رجة في الطريق علشان كدة أنا كان إختياري الصني تقيلة جدا ومتزنة وماتورها حلو. عموما هيا حسب إحتياج كل واحد من العربية فا بيحدد هوا عايز إيه. |
| الساعة الآن 05:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017