سؤال بخصوص الزيرو ؟ أرجو الرد للأهمية
 

أنا كنت عايز أعرف ايه هي المتعلقات اللي بتيجي مع العربية الشيفرولية لانوس الزيرو من كتالوج وشنطة الاسعافات و ضمان وشنطة عدة وحاجات زي كده يعني فكنت عايز اعرف ايه اللي بيجي مع العربية بالظبط لاني معنديش خبرة في الزيرو خالص

وكمان كنت عايز اعرف العربية بتيجي بكام نسخة مفتاح

رد: سؤال بخصوص الزيرو ؟ أرجو الرد للأهمية
 

بص يا سيدى
اولا معاينة العربية زى الجسم الخارجى والتكييف وحوض الماتور والشنطة والانوار والمساحات والكاسيت والمرايات لو كهرباءوتخلى بالك من عداد الكيلو متر انه يكون شغال والمعرض مش فاصله
ثانيا اللى هاتستلمه مع العربية زى الاستبن والكوريك ومفتاح العجل والعدة(مفك+مفتاح+شنطه)وضم ان الكاسيت والبطارية وطقم طاسات و
ثالثا اهم حاجة تطلع تجرب العربية وتتاكد ان مفيش اصوات غريبة وان لمبة التشيك بتطفى بعد الدوارة
رابعا ورق العربية زى شهادة المنشأ ومبايعة جنرال موتورز ومبايعة ليك
خامسا لازم تطابق رقم الشاسية والموتور بتوع العربية مع الورق(انا شخصيا كانو فى المعرض هيدونى عربية غلط)
كمان تبص على العدادات والمؤشرات
الكتالوج والضمان هتاخده من منصور بعد الترخيص
الموتور لازم يتلين بس موتور ال لانوس بيبقى متلين الى حد ما
الربية بتكون بنسختين مفتاح
يا رب اكون افدتك ويا ريت لو حد يعرف حاجة تانية يقول
ومبروك مقدما

رد: سؤال بخصوص الزيرو ؟ أرجو الرد للأهمية
 

الف شكر ليك يا باشا على الرد والاهتمام