مصر موتورز مجتمع السيارات - للأهمية: عربية مركونة، هخرجها من الجراش ايه اللي لازم اعمله؟

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

للأهمية: عربية مركونة، هخرجها من الجراش ايه اللي لازم اعمله؟

السلام عليكم

عندي عربية فيرنا 2006 مانيول ، مركونة بقالها شهرين بالضبط لظروف سفر ومحدش دورها خالص.

رحت امبارح دورتها، دارت معاية بكل سهولة.

ناوي اخرجها من الجراش الاسبوع الجاي وأوديها على الميكانيكي على طول.
ايه اللي لازم يتكشف عليه عشان ابقى سايق وانا متطمن؟

شكرا

رد: للأهمية: عربية مركونة، هخرجها من الجراش ايه اللي لازم اعمله؟

انا مليش خبره في الموضوع ده بصراحه لكن حضرتك اعتقد المفروض تكشف علي السيور و ميه الريدياتير و التقليب فيه كويس ولا لأ و تكشف علي فرد الكاوتش كويس و من المفضل انك تغيرلها زيت و فلتر و تكشف ايضا علي دوره البنزين و تشوف البطاريه عامله ايه بس عايز اقول لحضرتك انا والدي بيسيب العربيه بالشهر مثلا من غير اما يحركها الانه بقي يفضل المشي و الحمد الله مفيش حاجه فمعتقدش ان شهرين دول مده كبيره

رد: للأهمية: عربية مركونة، هخرجها من الجراش ايه اللي لازم اعمله؟

شكرا على ردك
عاوز رد موثوق شوية يا جماعة عشان ابقى متطمن

رد: للأهمية: عربية مركونة، هخرجها من الجراش ايه اللي لازم اعمله؟

السلام عليكم
الأخ darkman كلامه إلى حد كبير مظبوط بس دا بالنسبة للفترات الكبيرة قوي من توقف العربية ياعني سنة سنتين.
بالنسبالك بقالها شهرين بس فا دا مايقلقشي إطلاقا لأنك الحمد لله بتقول إنها دارت يبقى كدة البطارية تمام تاخد العربية وتطلع على أقرب بتاع كاوتش تظبط ضغط الهوا في الأربع فرد وتبص على المية بس لو ناقصة زودها ولو لسة ماش محتاجة تغير زيت قيسه فقط لو تمام على المقاس غيره في معاده عادي.
تاني مرة لو هتركن العربية مدة زي شهر أو إتنين ولا تلاتة تبقى تبص عليها مرة في الإسبوع على الأقل وتدورها لمدة 10 دقايق وتبطلها تاني ودا حفاظا على البطارية وكمان دورة الزيت والمية ووصلاتهم.
ولو عايز توقفها مدة تتجاوز السنة ولا سنتين تلاتة يبقى لازم ترفع العربية ياعني تفضيها من أي سوائل زي البنزين والمية وممكن كمان الزيت وتشيل البطارية وتفك الأربع فرد وتوقفها على حاجة عالية وياريت تكون في مكان ضل مافيهوش شمس ومش رطوبة وماتنساش تقفل كل الفتحات كويس علشان الصالون مايتبهدلشي زي مثلا فتحة التكييف بتاعت الهوا الخارجي فيه ناس كتير بتنساها مفتوحة وزي عربيات زي الـ 128 مثلا بيخشلها فران وعرس ودول خطر قوي على العربية سواء ريحة أو سلوك الكهربا فا الأحسن إنك تجيب سروجي يسددلك كل فتحات الصالون.

رد: للأهمية: عربية مركونة، هخرجها من الجراش ايه اللي لازم اعمله؟

مشكوووووووووووووووووووووو ور