جبت لانسر 2008 مانيوال .. وعندي شوية مشاكل كده .. ارجو المساعدة
 

انا الحمدلله جبت لانسر 2008 وكان عندي شوية استفسارات كده
انا ظبطت زوايا و رصصت و غيرت التيل و الطنابير لاني اما كنت بدوس علي الفرامل الدواسة كانت بتتهز والراجل قالي دي محتاجة طنابير .. وقالي اعمل حسابك انك قدام شوية هتعوز تغيير مقصات
بس في مشكلة اني وانا طالع علي الاول العربية احيانا بتتهز كأني طالع علي الغيار التاني بس انا ببقي علي الاول .. دة بسبب اية ياتري .. ناس قالوا المقصات و ناس قالوا دة الدسك او اسطوانة الديبرياج
كمان برضو اما بكون باخد ملف جامد او يو تيرن والف الديريكسيون علي الاخر بسمع صوت غريب كده زي طقطقة دة ياتري من اية
التكييف حاسس انة ضعيف شوية علي الرغم من ان الانسر معروف ان تكييفها تلاجة .. ودة لية علاقة بانها 1300 ولا كده التكييف عايز يتشحن
كمان العربية حاسسها بتستهلك بنزين بالهبل علي الرغم من انها 1300 زي ما قلت .. كنت علي الطريق و صفرت العداد و مفول العربية قلت عشان اعرف الااستهلاك .. العداد عمل 376 كم ولقيت التنك بتاعها فضي و اللمبة نورت .. انا شغلت التكييف شوية بس مش كتير .. وهل فعلا التكييف بيسحب من البنزين ولا من البطارية بس
كمان عايز اعرف هي التنك بتاعها اد اية
اخر حاجة معلش وانا ماشي بسرعه بحس العربية بتثبت في سرعات محددة يعني ببقي بدوس بنزين والاقي العداد واقف علي 145 علي الرغم من اني مش مشغل التكييف .. وبعد كده اسيب و ارجع ادوس تاني الاقية وقف مثلا عن 150 ويثبت .. هل كده في مشكلة ولا دة بسبب اية
معلش اسف طولت عليكم بس انا احترت و ياريت يفيدني اهل الخبرة
ولو في حد بقا عندة المانيوال بتاعها و يقدر يرفعهولي علي الميل او اخدة منة باي طرية يبقي ليكم جزيل الشكر
شكرا جدا ليكم

رد: جبت لانسر 2008 مانيوال .. وعندي شوية مشاكل كده .. ارجو المساعدة
 

الف مبروك اول حاجه على العربيه بس انا اسف جدا انا معنديش اجوبه للاسئله

رد: جبت لانسر 2008 مانيوال .. وعندي شوية مشاكل كده .. ارجو المساعدة
 

:fun_36_3_1[1]:
الله يبارك فيك يا باشا .شكرا لذوقك يا محمد .اكيد في ناس كتير عندهم خبرة و حل للمشاكل دي

رد: جبت لانسر 2008 مانيوال .. وعندي شوية مشاكل كده .. ارجو المساعدة
 

وصف حضرتك بيقول انه دسك واسطوانة وده كمان يؤكده ارتفاع استهلاك البنزين لان ده من اعراض تلف الديسك والاسطوانة


غالباً كبالن

رد: جبت لانسر 2008 مانيوال .. وعندي شوية مشاكل كده .. ارجو المساعدة
 

ميرسي يابو نورا علي اهتمامك ياباشا
بس متعرفش سعر الاسطوانة و الديسك دول يعملوا كام تقريبا ؟؟
تشكر يا غالي