مصر موتورز مجتمع السيارات - ارجوكم ساعدونى والله بنام مهموم من الرجة اللى فى الماتور

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

ارجوكم ساعدونى والله بنام مهموم من الرجة اللى فى الماتور

السلام عليكم ورحمه الله
العربيه فيرنا 2007 ماشية 50000 كيلو
لسة مغير شكمان وخراطيم الريداتير وكوعة الريداتير اللى فى الماتور اللى داخلة على وش السلندر
مغير فلتر بنزين وهواء
دى الحاجات اللى عملتها فبل المشكلة العربية تمام اسبوع واتنين وتلاتة وفجاة
اجى ادور الصبح او الظهر عادى المهم تكون باردة وبقالها قترة حوالى 5 ساعات او اكثر
بلاقى العربية دارت تمام وبعدها رجة جامدة فى الماتور طبعا بتسمع فى الشكمان ويهتز بطريقة غريبة وممكن من كتر الرجة فى الماتور العربية تفصل خالص وادور نفس الرجة ومرة تالتة وممكن رابعة وازود سنة بنزين الاقى الرجة بتروح سنة وسنة وفجاة الماتور يهدى ولا كانى فى حاجة وامشى بالعربية واشغل التكييف وافصل واشغل العربية حوالى 20 مرة ولا اى حاجة طووووول اليوم واقف فى اشارات واطلع اجيب حاجات واجى ولا كانى فى مشكلة اروح مبسوط واقول
غدا يوم اخر
وفجاة ادور العربية الصبح- ......................... ... زهقت انا فاكر مرة من حوالى 6 شهور حصلت معايا مرة كدة وثوانى كمان وراحت ومجتش تانى لكن الوقتى كل يوم الصبح تقريبا بقالى 4 ايام اهه كل يوم
انا اخر مرة غيرت البوجيهات كانت من سنة و8 شهور وعامل بيها حوالى 25000 الف كيلو لحد الوقتى انا قلت جايز معرقة او حاجة بس جيت اسال الاول بالله عليكم انام مرتاح لانى بحب العربية دى جدا
والله يا جماعة لسة دافع الف ونصف تقريبا فيها عشان اظبطها وشكمان وخراطيم وفلاتر وزيوت وتيل حاجات ضرورية يعنى بس مش عارف اية اللى جرى ممكن لو حد عندة حل يقولى اخوكم محمد ورمضان كريم

رد: ارجوكم ساعدونى والله بنام مهموم من الرجة اللى فى الماتور

ممكن كهربة العربة مش مظبوطة او الرشاشات مسدودة او طرمبة البنزين عايزة تتغير

رد: ارجوكم ساعدونى والله بنام مهموم من الرجة اللى فى الماتور

اعتقد ان حضرتك محتاج تحط الموتور على جهاز الكشف على الماتور وده واضح ان المشكله فى حركه الصبابات فى العربيه اثناء الدوران الصبح لان دى اصعب لحظه فى تدوير الموتور نتيجه للبروده اما بعد ذللك بيكون الموتور سخن ومافيش مشكله فى حركه الصبابات والبساتم :fun_36_3_4[1]:

رد: ارجوكم ساعدونى والله بنام مهموم من الرجة اللى فى الماتور

روق يا باشا
احتملات كتير بس نبتدي بالسهل
نضافه صمام الايدل و البوابة

رد: ارجوكم ساعدونى والله بنام مهموم من الرجة اللى فى الماتور

اقتباس:

المشاركة الأصلية كتبت بواسطة Viva4ever (المشاركة 496382)

ممكن كهربة العربة مش مظبوطة او الرشاشات مسدودة او طرمبة البنزين عايزة تتغير

انا معاك لو الرشاشات مسدودة يبقى العربية هتقطع معايا لكن مفيش اى مشاكل فى الطريق والطرمبة لو مش سليمة على الاقل هتنتش معايا مش عارف انا هروح بكرة وربنا يستر ان شاء الله

اقتباس:

المشاركة الأصلية كتبت بواسطة osa92003 (المشاركة 496428)

والله رحت للتوكيل وقلتلة اكشف على العربية والله الراجل المهندس قالى لاة وحرام وبلاش كدة فلوس على الفاضى قلتة عادى يا عم اكشف نطمن والراجل قالى كدة عشان لسة كاشف على العربية لما كنت بغير الخراطيم وخلافة من اسبوع كدة

اقتباس:

المشاركة الأصلية كتبت بواسطة احمد على 1999 (المشاركة 496446)

روق يا باشا
احتملات كتير بس نبتدي بالسهل
نضافه صمام الايدل و البوابة

ازيك يا استاذ احمد ويارب تكون بخير
يعنى انا شاكك فى حساس البوابة برضة بس هل فى مشاكل فى فكة وتنظيفة وهل الموضوع دا ملوش علاقة بالبوجيهات مثلا تكون مرطبة او معرقة لانى بقالى فترة مغيرتهاش يعنى مغيرش البوجيهات ولا انظف الاول واخر نصيحة هل اروح للتوكيل لانى الراجل قالى طب تعالى بكرة وانت عارف مش بشوف هو بيعمل اية ولا اروح للميكانيكى بتاعى هو برضة عندة جهاز كشف وكويس وشاطر وعلى الاقل شايف بيعمل اية اية رايك التوكيل ولا التانى وحساس الايدل اللى فى البوابة لو فكيتة اشوفة بنفسى الاول وكبتة تانى هل فية مشاكل ولا غلط وشكرا ليك وبارك الله فيكم جميعا ويارب المشكلة تتحل انا اللى قالقنى الراجل صاحب الموضوع دا عندة نفس المشكلة ومعرفش يحلها نهائى ودا الموضوع
http://masrmotors.com/vb/showthread.php?t=65605&page=2