ارجو الافاده معي 60000 و عاوز اشتري سياره جديده
 

انا كنت ناوي اجيب الاتوس و لكن للاسف تم وقف انتاجها فبقيت اما اجيب سبارك او بيكانتو الشكل القديم ارجو الافاده انهي افضل و لماذا و يا ريت لو حد يعرف معارض بتبيع سيارات 2010 مثلا تكون غير مستعمله
( بواقي يعني ) يقولي العنوان و افادكم الله .
و بالنسبه لل i10 فكرت فيها و صليت استخاره بس مستريحتش ليها
ارجو الافاده و الرد ربنا يكرمكم ده شقي عمر ROSE4UROSE4U

رد: ارجو الافاده معي 60000 و عاوز اشتري سياره جديده
 

الدايو لانوس هى الى انتاجها توقف بس بينزل داوقتى الشفورلية لانوس وهى هى الدايو لانوس يعنى مفيش اى مشكلة .....بس لو عايز تجيب زيرو موديل السنة ديه لازم تزود 6 بواكى علشان العربية بتبدا من 66 الف ومش فول اوبشن طبعا .......... بس انا من راى الشخصى تجيب اسبرانزا 516 2011 زيرو افضل من الانوس كتير من حيث الوسع والثبات والفخامة والاوبشن و............ وانصحك تبعد عن البيكانتو والاسبارك وال اى تن عربيات ملهاش لزمة عملة زى الحلل ضيقة جدا وغير ثابتة على الطريق وربنا يوفقك وعلى فكرة انا معايا ال 516 موديل 2011 واللة العظيم عربية ممتازة ولا يوجد بها عيوب والحمد اللة فلا تاخذ بكلام الناس الى بتهاجم العربية لان معظمهم لا يمتلكوها ولم يجربوها من الاساس
تحياتى.....

رد: ارجو الافاده معي 60000 و عاوز اشتري سياره جديده
 

زود عليهم 5 الاف جنية
وهات لوجان هاف اوبشن وهتعمل معاك واجب واتوكل على الله
حاجة اوربي ( فرنسي - رومانى ) تقفيل مغربي هتعيش معاك بدل الكورى والصينى
والكلام دا على مر التاريخ
الاوربي معمر

رد: ارجو الافاده معي 60000 و عاوز اشتري سياره جديده
 

نصيحتى هات فيرنا عربيه ممتازة فى الاستخدام وفى البيع حتى لو هيبقى عليك شويه

رد: ارجو الافاده معي 60000 و عاوز اشتري سياره جديده
 

فيرناااااااااا