سؤال سريع - هي النوبيرا فيها مثبت سرعه ولا لأ؟
 

ولو فيها بيشتغل ازاي ومكانه فين؟

ثاني سؤال - لو معايا 50 الف تجيب نوبيرا اوتوماتيك نضيفه وتبقي موديل كام؟

رد: سؤال سريع - هي النوبيرا فيها مثبت سرعه ولا لأ؟
 

مفيهاش مثبت
60 الف مثلا
و نصيحة بلاش اوتو في الدايو

رد: سؤال سريع - هي النوبيرا فيها مثبت سرعه ولا لأ؟
 

كان معانا دايو نوبيرا وان أوتو عملنالها طقم إصلاح للفتيس عشان ماكانش بيجيب مارشيدير ثم غيرنا الفتيس كله عشان التصليح مانفعش ...

3 مرات كل مرة بحوالي 3500 جنيه فتيس استيراد بالتركيب بالزيت يعني إجمالى 10500 جنيه عالفتيس بس، فنصيحة ابعد عن الأوتوماتيك في الدايو نوبيرا أو لانوس أو سيليو أو ريسر أو...أي دايو أوتوماتيك ابعد عنه وخلاص

رد: سؤال سريع - هي النوبيرا فيها مثبت سرعه ولا لأ؟
 

الف شكر علي النصيحه لكل اللي ردوا
والله انتوا عداكم العيب
يبقي استني بقي لحد ما اكمل 65 الف واجيب هيونداي ماتريكس
اللي سمعته ان الاوتوماتيك منها مافيهوش غلطه
بس كده هيبقي فرق سعر كبير
طيب مفيش حاجه اوتوماتيك كويسه في حدود 50 الف؟
بس غير اللانسر كريستاله لانها واطيه اوي علي الارض

رد: سؤال سريع - هي النوبيرا فيها مثبت سرعه ولا لأ؟
 

النوبيرا الأوروبي فقط هي اللي فيها مثبت سرعة
وبرضة ينفع يركب كروز كنترول في العربية عند اي كهربائي
من ناحية الفتيس الاوتو في الدايو زي البطيخة يا تصيب يا تخيب انا معايا نوبيرا ون اوتو من 4 سنين مشتكتش منها وبعمل صيانتها كل فترة و بغير زيت كل 60 الف
وركبت عليها موتور 2000 سي سي بقت العربية طيارة و الحمد لله محتجتش حاجة في الفتيس
اما من ناحية السحب الأوتو عموما سحبة ابطأ مش زي المانيوال ولا توجد مقارنة حتي في العربيات السوبر 8 او 12 سلندر برضة الأوتو بيكون ابطأ من المانيوال.دا عموما
الميزة الوحيدة في اوتو النوبيرا انة رخيص ب 1200 هتجيب وتركب اجدع فتيس "طبعا الأسعار دي من بورسعيد وتخضع للزيادة و النقصان حسب المواسم و حسب المنطقة اللي حضرتك عايش فيها"
بالنسبة لأوتو العربيات التانية بيعتمد علي التكنولوجيا اللي معمول بيها العربية "دايو مبنية علي تكنولوجيا اوبل و هيونداي مبنية علي تكنولوجيا متسوبيشي" وعلي اساسة بتفرق كل نوع