|
كيف افرق اذا كان المشكله فى المساعدين ام الياى؟
السلام عليكم .. وكل عام وانتم بخير بمناسبه حلول شهر رمضان يا جماعه انا محتاج مساعدتكم فالمشكله دى انا عندى شاهين 96 والشوارع كلها تقريبا فيها مطبات وحاجه صعبه خالص . والعربيه دلوقتى بقت واطيه خالص ولما بحمل فيها ( الاربعه اشخاص) مثلا بحس انه الشاهين كانها بقت 128 او دايوو و وطيت خالص على الارض على الرغم انها مش بتعمل احتكاك فى العجل ودلوقتى انا لما رحت سألت ناس قالت دى عايزة مساعدين ،وناس تانى قالت لا الياى عايز يتغير ،او يتركبله جلده تعليه... المشكله دلوقتى انا مش عارف مين الصح ومين الغلط..!!؟ ياريت تساعدونى ازاى اعرف واتاكد هل العيب من المساعدين ولا الياى باظ ولا الياى عايز يتعلى ولا ايه بالزبط ارجو الافادة وجزاكم الله كل خير |
رد: كيف افرق اذا كان المشكله فى المساعدين ام الياى؟
على فكره يا جماعه فى ملاحظه اعتقد ممكن تغير فى الموضوع انا لما بيحصل انى احتاج اغير عجله اتقطعت فطبعا بارفعها بالكوريك . الملاحظه بقى انى بلاحظ انه خلال فتره لحام العجله واجى اركبها تانى الاقى الناحيه دى ريحت ولما احاول اركب العجله مينفعش فأطر اعلى تانى بالكوريك وبالتالى اول لما اخلص تركيب العجله الاحظ انه العربيه مايله من الناحيه التانيه يعنى بتبقى عاليه اكتر من الناحيه اللى صلحتها والحكايه دى بتاخدلها فتره نص ساعه مثلا او ساعه والعربيه ترجع تتزبط تانى فى مستوى ارتفاع الجانبيين من الارض فهل ده طبيعى ولا دة بيوضح مشكله معينه فالمساعدين او فالياى...!!؟ |
رد: كيف افرق اذا كان المشكله فى المساعدين ام الياى؟
:fun_36_3_4[1]:
|
رد: كيف افرق اذا كان المشكله فى المساعدين ام الياى؟
شكلها مشكلة يايات لان المساعد مش مسئول عن ارتفاع العربية لكنه مسئول عن امتصاص الصدمة يعني لو المساعد بايظ العربية حتقعد تتنطط بسبب السوست و ممكن تتقلب
و لو مفيش سوست المساعدين حيقفلوا و العجل يلمس باطنية تجويف العجل |
رد: كيف افرق اذا كان المشكله فى المساعدين ام الياى؟
شكرا لك اخى الكريم احمد على 1999 على سرعه ردك:fun_36_3_16[1]: طيب ممكن حضرتك تقلى ايه الانواع الكويسه و المناسبه للعربيه بتاعتى (شاهين 96) بالنسبه للياى وكمان بالنسبه للمساعدين وتكلفه كلا منهم على حده ..؟؟ |
| الساعة الآن 10:47 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017