مصر موتورز مجتمع السيارات - mazda3 و لا sunny super saloon

اقتباس:

المشاركة الأصلية كتبت بواسطة hhhesham (المشاركة 595764)

اولا انا بكره الصنى جداااااااااا بس حجوبك بحياديه.
لو عايز عربيه تبيع و تشترى فيها و قطع غيار رخيصه نسبيا بمعنى اخر تمشى مع السوق و تبقى زيك زى اى واحد عادى بس مهما كان مش حتستمتع منها وده علشان حتفضل طول عمرك تقارنها بالمازده الى كان ممكن تجبها .
اما بقى لو عايز عربيه ركوبه حتشخلل جيوبك شويه او شويتين وتوكل على الله ة اشترى المازدا مع انى بحب الشكل القديم عن الجديد........ بس ركوبه بمعنى الكلمه

معزره اخى الفاضل يعنى ايه تبقى زيك زى اى واحد عادى!!!!!! وكمان ليا استفسار اخر انت بتكره الصنى بناء عن ايه بالظبط عاوز اعرف فقط انت ركبتها والا مجرد الشكل العام غير مقبول منك؟ ياريت تجاوبنى جواب مقنع وخصوصا ان السياره يوجد منها الآن فى مصر كميه لا يستهان بها فلو هى فاشله فى نظرك لما حققت هذا الكم الهائل من الانتشار بالمقارنه بالمازدا اما لو كنت تكرهها للاسباب عاطفيه كالشكل مثلا فهذا يعتبر شيىء اخر بس المفروض ادنى تقدير توضح سبب كرهك لها لكى يستطيع الاخ الفاضل صاحب السؤال تقييم اجابتك بشكل افضل ويتسنى له اخذ القرار الصائب بالفعل مش مجرد انك بتكرهها مثلا لشكلها فقد يكون الشكل بالنسبه لصاحب السؤال مميز عن المازدا وانت تعرف جيدا ايها الاخ الكريم ان المسأله مسأله ازواق ولولا اختلاف الازواق لبارت السلع كما يقول المثل اما لو كرهك ليها يرجع لاسباب فنيه مثلا فأحب ان الفت نظرك انه يوجد الكثير من الناس بنسبه تتعدى 90% او اكثر من مقتنيها لم تواجههم اى مشاكل فى السياره المذكوره حتى الآن والقليل فقط شاء حظهم العاثر فى وجود بعض المشاكل الفنيه فى سيارتهم واعتقد ان التوكيل كفيل بحل معظم هذه المشاكل ايضا واخيرا كل سياره يوجد بها مزايا وعيوب ولا يوجد شيىء كامل فالكمال لله وحده فقط وانا من رأيى الشخصى ان المازدا لم تحقق الانتشار المطلوب حتى الآن نظرا لارتفاع قطع غيارها الباهظه للغايه فضلا عن عدم توافرها بالتوكيل نفسه لاغلب القطع وان وجدت فالسعر مبالغ فيه جدا والاهم من ذلك سعر اعاده البيع بقى فى حاله الرغبه فى البيع مش حقولك بقى صاحب السياره حيخسر فيها كام حتى ولو موديل السنه اسأل انت وحتعرف لذا فكل شخص يبحث عن سياره لراحه باله وليست سياره تخلب له الهم الخساره عند اعاده بيعها لمجرد انها سياره حلوه وشيك وموتورها قوى وخلاص فيه اشياء تانيه اهم بكتير من الشكل اما عن الموتور فلا توجد فروق شاسعه بين الصنى والمازدا فى قوه الموتور والاتزان والثبات ايضا على السرعات العاليه والتحمل ايضا فالغالبيه يبحث عن راحه البال ولا يريد سياره تجلب له الهم والشقاء والخساره فى حاله قرار البيع لا قدر الله لاى ظرف كان وفى حاله صيانتها ايضا ودمتم بخير وسلام تقبل تحياتى