مساعدة من منتدانا العزيز بيجو 307
 

اولا طبعااا كل سنه و انتو طيبين رمضان كريم

انا قدامى عربية بيجو 307 فبريكة برة و جوه عداد 70000 كيلو موديل 2007 صيانتها فى التوكيل كل 10000 كبلو بس بصراحه مش متاكد هيه منيوال ولا اوتو

انا كنت عايز اعرف السعر ده كده كويس و العربية دى اصلا فيها مشاكل رخمه و صيانتها ايه ظروفها غالية و قطع الغيار يعنى من الاخر عايز اعرف كل حاجه عنها علشان بفكر اجيبها علشان لو مكنش كده هجيب اوبترا جديدة و خلاص ... ياريت ارائكو تهمنى بجد


شكرا

رد: مساعدة من منتدانا العزيز بيجو 307
 

هو فين السعر ........ مش مكتوب

سياره جميله من بيجو ...... بس قطع الغيار غاليه شويه

رد: مساعدة من منتدانا العزيز بيجو 307
 

شكرااااااااا يا باشا سعرها هيكون 70000 تفتكر لو كشفت عليها فى التوكيل و لقيت حالتها حلوة ان شاء الله اجيبها احسن من اوبترا جديدة و بالنسبة لقطع الغيار ممكن بس تدينى حتى لو امثلة بسيطه اللى هيه مثلا زيوت فلاتر سيور و مشاكلها اللى دايما بتحصل زى الفتيس الاوتوماتيك و كده

رد: مساعدة من منتدانا العزيز بيجو 307
 

من واقع خبرتى
العربيه ممتازه و أكيد أحسن من الأوبترا
قطع غيارها مش غاليه أوى زى ما الناس متخيله
الصيانه العظمى ليها فالتوكيل اتكلفت 1685 جنيه و بره التوكيل 900 شامل الزيت طبعا
اكشف عليها فالتوكيل و لو كويسه اتوكل على الله و متنساش الاستخاره
و غالبا بنسبة 90% العربيه دى أوتوماتيك
و ربنا يوفقك

رد: مساعدة من منتدانا العزيز بيجو 307
 

sumo
جاب الخلاصه العربيه فعلا غالبا هتبقي اوتوماتيك اكشف عليها في التوكيل ب 150 جنيه الكشف و قطع غيارها زي اي عربيه جديده في التوكيل لان مفيش توكيل في مصر قطع غياره رخيصه لو لقيتها تمام دووس سعرها حلو جدا

بس ممكن تكون دي اول فئه في الاوتوماتيك مش هتلاقي فيها كماليات عاليه اوووي يعني مش هتلاقي

بلوتوث
سي دي تشارجر
سقف بانوراما
جنوط
تحكم في الكشفات من الدخل و حجات تانيخ مش فاكرها

بس علي اي حال اكيد احسن من اي حاجه جديده تحت ال 110 الف